ବଦଳିବ ନାଁ! ଖର୍ଚ୍ଚ ହେବ ୧୪ ହଜାର କୋଟି!
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଇଣ୍ଡିଆ ହେବ ଭାରତ। ଖର୍ଚ୍ଚ ହେବ ୧୪ ହଜାର କୋଟିରୁ ଅଧିକ ଟଙ୍କା । ଯେତେବେଳେ କୌଣସି ଦେଶର ନାମରେ ପରିବର୍ତ୍ତନ କରାଯାଥାଏ ସେତେବେଳେ ଏନେଇ ଗୁଡାଏ ଅର୍ଥ ଖର୍ଚ୍ଚ ହୋଇଥାଏ । ଏଥିପାଇଁ କିଛି ଜରୁରୀ କାଗଜପତ୍ରର କାମ ମଧ୍ୟ ଦରକାର ପଡିଥାଏ । ଏଥିରେ ମୁଖ୍ୟତଃ ଡକ୍ୟୁମେଂଟସ୍, ଅଫିସିଆଲ ୱେବ୍ସାଇଟ୍, ଦେଶର ବିଭିନ୍ନ ସଂସ୍ଥା ଓ ଅନ୍ୟ ବଡ଼ ବଡ଼ ପରିବର୍ତ୍ତନ ପାଇଁ ଖର୍ଚ୍ଚର ଆବଶ୍ୟକତା ରହିଥାଏ ।
ଏହି ସବୁ ପରିବର୍ତ୍ତନରେ ବହୁତ ଅର୍ଥ ଶ୍ରାଦ୍ଧ କରିପାକୁ ପଡିଥାଏ । ତେବେ ନାମ ପରିବର୍ତ୍ତନ କରିବାରେ ଭାରତ ପ୍ରଥମ ଦେଶ ନୁହେଁ । ଥରେ ଜଣେ ଆଫ୍ରିକିୟ ଡିଫେନ୍ସ ରିଭିୟ୍ୟୁର ନିର୍ଦ୍ଦେଶକ ଡାରେନ୍ ଅଲିଭିଅର ଏହି ନାମକରଣର ମୂଲ୍ୟ ଧାର୍ଯ୍ୟ କରିବା ପାଇଁ ଏକ ମଡେଲ ପ୍ରସ୍ତୁତ କରିଥିଲେ । ସେ ଆଫ୍ରିକୀୟ ରାଷ୍ଟ୍ରର ନାମ ପରିବର୍ତ୍ତନକୁ ଏକ ଆନୁମାନିକ ମୂଲ୍ୟରେ ପାହଂଚାଇବା ପାଇଁ ଏହାକୁ ବୃହତ୍ କର୍ପୋରେଟ ରିବ୍ରାଣ୍ଡିଂ କାର୍ଯ୍ୟ ସହିତ ତୁଳନା କରିଥିଲେ ।
ଅଲିଭିଅରଙ୍କ ମତ ଅନୁସାରେ ଏକ ବଡ଼ ସଂସ୍ଥାର ହାରାହାରି ମାର୍କେଟିଂ ମୂଲ୍ୟ ଏହାର ମୋଟ ଆୟର ୬ ପ୍ରତିଶତ । ରିବ୍ରାଣ୍ଡିଂ କାର୍ଯ୍ୟ, କମ୍ପାନିର ସାମଗ୍ରିକ ମାର୍କେଟିଂ ବଜେଟର ୧୦% ଖର୍ଚ୍ଚ ହୋଇଥାଏ । ଭାରତରେ ଏହି ସମାନ ଫର୍ମୁଲା ବ୍ୟବହାର କଲେ ଭାରତର ରାଜସ୍ୱ ସହିତ ଆନୁମାନିକ ମୂଲ୍ୟରେ ୧୪,୩୦୪ କୋଟି ଟଙ୍କା ଏଥି ପାଇଁ ଆକଶ୍ୟକ ହେବ ।