ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦିଅନ୍ତୁ ନଚେତ ପାପ ଲାଗିବ: ପ୍ରୀତି ରଞ୍ଜନ ଘଡେଇ

ଭୁବନେଶ୍ୱର(ବଡ଼ ଖବର ବ୍ୟୁରୋ): ପ୍ରଶ୍ନକାଳରେ ବିରୋଧୀଙ୍କୁ ତେରେଛା ବାଣ ମାରିଲେ ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ପ୍ରୀତି ରଞ୍ଜନ ଘଡେଇ । କହିଲେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦିଅନ୍ତୁ ନଚେତ୍ ପାପ ଲାଗିବ । ମୁଖ୍ୟମନ୍ତ୍ରୀ ମୁମ୍ବାଇ ରେ ବସି କେମିକାଲ ଠାରୁ ଆରମ୍ଭ କରି ଆଇଟି ଓ ପ୍ଲାଷ୍ଟିକ ସେକ୍ଟରରେ ଓଡିଶାକୁ ପୁଞ୍ଜି ଆଣିବା ପାଇଁ ପୁଞ୍ଜିପତି ମାନଙ୍କ ପାଖରେ ବସିଛନ୍ତି । ଦଶ ଲକ୍ଷ କୋଟି ଟଙ୍କାର ଇଣ୍ଟେଣ୍ଡ ଇନଭେଷ୍ଟମେଣ୍ଟ ଆସିଛି । ଶିଳ୍ପ କ୍ଷେତ୍ରରେ ଆଜି ଯେଉଁ ପୁଞ୍ଜି ନିବେଶ ହେଉଛି, ତାର ମୂଳ ଲକ୍ଷ ହେଉଛି ନିଯୁକ୍ତି ସୁଯୋଗ ସୃଷ୍ଟି କରିବା । ମିନେରାଲ ବେସ୍ଡ ଶିଳ୍ପ ଲାଗି ଅନୁକୂଳ ସ୍ଥାନ ହୋଇଛି ଓଡିଶା, ଏହା ଆମ ପାଇଁ ଗର୍ବର କଥା ।