ଶ୍ରୀମନ୍ଦିରରେ ଉଡ଼ିଲା ବାନା ଧବଳ, ବର୍ଷା ହେବ ପ୍ରବଳ

ପୁରୀ(ବଡ଼ ଖବର ବ୍ୟୁରୋ): ଓଡ଼ିଶାରେ ଏହି ଲୋକ କଥା ରହିଛି ଯେ, ଶ୍ରୀମନ୍ଦିରରେ ଧଳା ରଙ୍ଗର ବାନା ଲାଗିଲେ ବର୍ଷା ପ୍ରବଳ ହୋଇଥାଏ । ଏହା ଏପରି ନୁହେଁ ଯେ, ବର୍ଷା ହେବାର ଜାଣି ମନ୍ଦିର ପ୍ରଶାସନ ବା ସେବକମାନେ ଏହି ବାନା ଲଗାନ୍ତି । ଲଟେରି ମାଧ୍ୟମରେ ଯେଉଁ ବାନା ସ୍ଥିରିକୃତ ହୋଇଥାଏ ସେହି ବାନା ହିଁ ଲାଗିଥାଏ ।

ଆଉ ଏପରି ସଂଯୋଗ ଭିତରେ ଆଜି ଶ୍ରୀମନ୍ଦିରରେ ଧଳା ରଙ୍ଗର ବାନା ଉଡ଼ୁଛି । ଆଉ ଏପଟେ ରାଜ୍ୟକୁ ମୁହାଁଉଛି ପ୍ରଳୟଙ୍କରୀ ବାତ୍ୟା ‘ୟାଶ୍’ । ଯାହାର ପ୍ରଭାବରେ ବିଭିନ୍ନ ଜିଲ୍ଲାରେ ଲାଗି ରହିଛି ପ୍ରବଳରୁ ଅତିପ୍ରବଳ ବର୍ଷା । ଯାହାକୁ ଆଗରୁ ଶ୍ରୀମନ୍ଦିର ବାନା ସୂଚନା ଦେଇଛି ।