ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର

ସେରୋଡା (ବଡ଼ ଖବର ବ୍ୟୁରୋ): ଝୁଲନ୍ତା ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର । ମୃତ୍ୟୁର କାରଣ ଅସ୍ପଷ୍ଟ । ଗଞ୍ଜାମ ଜିଲ୍ଲା ବେଲ୍ଲଗୁଣ୍ଠା ଥାନା ମୁଖ୍ୟ ରାସ୍ତା କଡ଼ରେ ଥିବା ଦୋକାନ ବାରଣ୍ଡାରେ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ମହିଳା ଜଣଙ୍କ ଗେରେଡା ଗ୍ରାମର ସନ୍ତୋଷ ବେହେରାଙ୍କ ସ୍ତ୍ରୀ ବିଭାସିନି ବେହେରା ।

ବିବାସିନି ନିଜ ଗ୍ରାମ ଗେରେଡ଼ାରୁ ଗତକାଲି ବେଲଗୁଣ୍ଠାରେ ହୋଇଥିବା ପଞ୍ଚୁଦଣ୍ଡ ଦେଖିବାକୁ ଆସିଥିଲେ । କିନ୍ତୁ ଆଜି ସକାଳେ ତାଙ୍କୁ ଗୋଟିଏ ଦୋକାନ ଆଗରେ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ଅଧିକ ତଦନ୍ତ ଜାରି ରଖିଛି ।