ଯୁବକଙ୍କ ଗଳିତ ମୃତଦେହ ଉଦ୍ଧାର

ଗଞ୍ଜାମ(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ବଡଗଡ ଥାନା ଅନ୍ତର୍ଗତ ଗଣେଶ ମନ୍ଦିର ନିକଟ ଜଙ୍ଗଲରୁ ଜଣେ ଯୁବକର ଗଳିତ ମୃତଦେହ ଉଦ୍ଧାର। ମୃତକ ଜଣକ ହେଲେ ବଡଗଡ ସୁନାରି ପଦର ସାହିର ମୁନା ଜେନା। ସେ ପୂର୍ବରୁ ବ୍ରହ୍ମପୁରରେ ରହି ପାଣି ପାଇପ କାମ କରୁଥିଲେ।

ଦଶ ଦିନ ପୂର୍ବରୁ ବଡଗଡ ଆସି ଘରେ ରହିଥିଲେ।କୌଣସି କାରଣରୁ ସ୍ତ୍ରୀ ସହ ଝଗଡା କରି ଘରୁ ଚାଲି ଯାଇଥିଲେ । ସେବେଠାରୁ ମୁନାଙ୍କର ଘର ସହିତ କୌଣସି ଯୋଗାଯୋଗ ରହିନଥିଲା। ମନ୍ଦିର ନିକଟ ଜଙ୍ଗଲରୁ ଦୁର୍ଗନ୍ଧ ବାହାରୁଥିବା ଜାଣି ଖୋଜା ଖୋଜି କରିଥିଲେ।

ସେଠାରେ ଜଣେ ଯୁବକର ଗଳିତ ମୃତଦେହ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହକୁ ଚିହ୍ନଟ କରିବା ପରେ ଅଧିକ ତଦନ୍ତ ଚଳାଇଛି। ବର୍ତ୍ତମାନ ପର୍ଯ୍ୟନ୍ତ ମୃତ୍ୟୁର କାରଣ ଅସ୍ପଷ୍ଟ ରହିଛି।