ସିଏଜି ଧରିଲେ ସରକାରଙ୍କ ଦୁର୍ନୀତି

ଭୁବନେଶ୍ୱର (ବଡ଼ ଖବର ବ୍ୟୁରୋ): ପ୍ରିନ୍ସିପାଲ ଏଜି ବିଭୁଦତ୍ତ ବସନ୍ତିଆଙ୍କ ପ୍ରେସମିଟ । ସିଏଜି ରିପୋର୍ଟରେ ଚିନ୍ତା ପ୍ରକାଶ କଲେ ଏଜି । ଅନେକ ଯୋଜନାରେ ସରକାରଙ୍କର ଦୋଷ ତ୍ରୁଟି ଥିବା ଦର୍ଶାଇଲେ ଏଜି । ବିଜୁ ଗାଁ ଗାଡି ଯୋଜନା ସମେତ ଅନେକ ଯୋଜନାରେ ସ୍ଥିତି ସଙ୍ଗୀନ ଥିବା କହିଲେ ଏଜି । ଗତ ବର୍ଷକରେ ହଜାର କୋଟିର ରାଜସ୍ୱ ଘଟିଛି ହାନି ।

୨୦୧୭-୧୮ରେ ରାଜସ୍ୱ ଆଦାୟ ୪୨.୬୦ ଥିବା ବେଳେ ୨୦୧୮-୧୯ରେ ଏହାର ଅଭିବୃଦ୍ଧି ଥିଲା ୪୪.୭୨ । ଫଳରେ ୨.୧୨ର ରାଜସ୍ୱ ବୃଦ୍ଧି ଘଟିଥିଲା । ମାତ୍ର ଚଳିତ ବର୍ଷ ଟିକସ ଓ ଅଣଟିକସ ଆଦାୟ କ୍ଷେତ୍ରରେ ସଠିକ ଆକଳନ ହୋଇପାରିନି । ୫୧ ହଜାର ୧୮୨ଟି ମାମଲାରେ ୧୦୬୬ କୋଟି ୨୬ ଲକ୍ଷ ରାଜସ୍ୱ ହାନି ହୋଇଛି । ଖଣି ରୟାଲଟି କ୍ଷେତ୍ରରେ ମଧ୍ୟ ୧୨୪ କୋଟି କମ ଅସୁଲ ହୋଇଛି ।

ସେହିପରି ମାଲ ଓ ଯାତ୍ରୀବାହୀ ବସମାଲିକଙ୍କଠୁ ୪୦କୋଟି କମ ଅନାଦେୟ ହୋଇଛି । ସେହିପରୁ ଅବକାରୀ ବିଭାଗରୁ ୨୫ କୋଟିରୁ ଅଧିକ କ୍ଷତି ଘଟିଛି । ବିଧାନସଭାରେ ଗତକାଲି ଆଗତ ହୋଇଥିଲା ୨୦୧୯-୨୦ର ସିଏଜି ରିପୋର୍ଟ । ଯେଉଁଥିରେ ସାଧାରଣ ଓ ସାମାଜିକ, ରାଜସ୍ୱ ଓ ଆର୍ଥିକ କ୍ଷେତ୍ର ପାଇଁ ସିଏଜି ଅଡିଟ୍ ରିପୋର୍ଟ ପ୍ରକାଶ ପାଇଥିଲା ।