(ବଡ଼ ଖବର ବ୍ୟୁରୋ): ମହାମାରୀ କରୋନା ପାଇଁ ଦେଶରେ ରହିଥିବା କଟକଣା ଓ କଣ୍ଟେନମେଣ୍ଟ ବ୍ୟବସ୍ଥାକୁ କେନ୍ଦ୍ର ସରକରା ନଭେମ୍ବର ୩୦ ଯାଏ ବୁଦ୍ଧି କରିଛନ୍ତି । ଏ ନେଇ ସ୍ୱରାଷ୍ଟ୍ର ମନ୍ତ୍ରାଳୟର ସଚିବ ଅଜୟ ଭଲ୍ଲା ସମସ୍ତ ରାଜ୍ୟର ମୁଖ୍ୟ ଶାସନ ସଚିବମାନଙ୍କୁ ଚିଠି ଲେଖିଛନ୍ତି । ଚିଠି ଲେଖି ନଭେମ୍ବର ୩୦ ଯାଏ କଟକଣା ପାଳନ କରିବାକୁ ପରାମର୍ଶ ଦେଇଛନ୍ତି । ଦେଶରେ ପାର୍ବଣ ଋତୁ ଚାଲିଥିବାରୁ କୋଭିଡର ଉଚିତ ବ୍ୟବହାର ଉଲ୍ଲଘଂନ ହେବାର ଆଶଙ୍କା ରହିଛି । ସେ ନେଇ ଅଜୟ ଭଲ୍ଲା ପାର୍ବଣ ବେଳେ କଟକଣା କଡକଡି ଭାବେ ପାଳନ କରିବାକୁ ସବୁ ରାଜ୍ୟ ସରକାର ମାନଙ୍କୁ କହିଥିଲେ ।
ଭଲ୍ଲା କହିଥିଲେ, ବର୍ତ୍ତମାନ ଦେଶରେ କୋଭିଡ ମାମଲା ଓ ରୋଗୀଙ୍କ ସଂଖ୍ୟା ହ୍ରାସ ପାଉଛି । କିନ୍ତୁ ଆଞ୍ଚଳିକ ସଂକ୍ରମଣ କିଛି ରାଜ୍ୟରେ ଜାରି ରହିଛି । ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳଗୁଡିକ ନିୟମିତ ଭାବେ ପଡିଟିଭ ରେଟ, ହସ୍ପିଟାଲ, ଆଇସିୟୁ ବେଡ ଯାଞ୍ଚ କରନ୍ତୁ । ଯଦି ଦରକାର ପଡି, ତେବେ ସେମାନେ ମାଇକ୍ରୋ କଣ୍ଟେନମେଣ୍ଟ ଲାଗୁ କରିପାରିବେ । ନଭେମ୍ବର ୩୦ ଯାଏ କଣ୍ଟେନମେଣ୍ଟ ମେଜରକୁ ବୁଦ୍ଧି କରାଯାଇଥିବାରୁ ଅନ୍ତର୍ଜାତୀୟ ବିମାନ ସେବା ପୂର୍ବଭଳି ବନ୍ଦ ରହିବ ।
