ହାତୀ ଆତଙ୍କ, ଫସଲ ନଷ୍ଚ କଲେ, ଘର ଭାଙ୍ଗିଲେ

ରାୟଗଡା (ବଡ଼ ଖବର ବ୍ୟୁରୋ): ରାୟଗଡା ଜିଲ୍ଲା ମୁନିଗୁଡା ରେଞ୍ଜ ଅଧିନସ୍ଥ ରାଜୁଲୁଗୁଡା ଓ ଗଣ୍ଡାଗୁଡା ଗାଁ ଅଞ୍ଚଳରେ ଏକ ହାତୀ ପଲ ଆସି ଗାଁ ନିକରେ ଥିବା ୨ ଟି ଘର ଭାଙ୍ଗିଦେବା ସହ ସୋଲାର ପ୍ଲେଟ , ସପୁରୀ, କଦଳୀ ଓ ଆମ୍ବ ଗଛ ସବୁ ନଷ୍ଟ କରିଦେଇଛନ୍ତି | ନିକଟ ନିୟମଗିରୀ ପାହାଡରେ ସେହି ହାତୀ ପଲ ଥିବା ଜଣା ପଡିଛି ଓ ଏହି ହାତୀ ପଲରେ ୩ ଦନ୍ତା ହାତୀ ସହ ୧୩ ଟି ହାତୀ ଥିବା ଜଣାପଡିଛି | ଏଥିରୁ ଅଳ୍ପକେ ବଞ୍ଚିଯାଇଛନ୍ତି ସେହି ଅଞ୍ଚଳର ଯୋଶୋଦା ସାହୁ |

ସେ ତାଙ୍କ ଘରେ ଶୋଇ ଥିବା ବେଳେ ହାତୀ ପଲ ଆସି ତାଙ୍କ ଘର ଭାଙ୍ଗି ଦେବା ସହ ଘରର ଆସବାବ ପତ୍ର ନଷ୍ଟ କରିଦେଇଥିଲେ | ଖବର ପାଇ ମୁନିଗୁଡା ରେଞ୍ଜରଙ୍କ ନିର୍ଦ୍ଧେଶ କ୍ରମେ ବନ ବିଭାଗର ଅଧିକାରୀ ମାନେ ଗାଁରେ ପହଞ୍ଚି ଲୋକଙ୍କ ତଥ୍ୟ ସଂଗ୍ରହ କରିଥିବା ବେଳେ ସରକାରଙ୍କ ନିୟମ ଅନୁଯାଇ ସହାୟତା ଯୋଗାଇ ଦିଆଯିବବୋଲି କହିଛନ୍ତି ଫରେଷ୍ଚର ଓ ଏପଟେ ହାତୀ ପଲକୁ ଦେଖି ଅଞ୍ଚଳରେ ଆତଙ୍କ ସୃଷ୍ଟି ହୋଇଛି |ୋ