Before Header

Breaking News

ବଡ଼ ଖବର ଏୟାରଟେଲରେ ଚ୍ୟାନେଲ ନଂ ୬୧୦ରେ ଉପଲବ୍ଧ ।
ଓରଟେଲରେ ଚ୍ୟାନେଲ ନଂ ୭୦୯ରେ ଉପଲବ୍ଧ ।
ଇଷ୍ଟର୍ଣ୍ଣ ମିଡ଼ିଆ ଡିଜିଟାଲରେ ଚ୍ୟାନେଲ ନଂ ୧୩୦ରେ ଉପଲବ୍ଧ ।
ଏହାସହ ରାଜ୍ୟର ପ୍ରମୁଖ କେବୁଲ ନେଟୱାର୍କରେ ଉପଲବ୍ଧ ।
ବଡ଼ ଖବର ଫ୍ରି ଟୁ ଏୟାର ।
ଏହାକୁ ଦେଖିବା ପାଇଁ ଦର୍ଶକଙ୍କୁ କୌଣସି ଅତିରିକ୍ତ ଦେୟ ଦେବାକୁ ପଡ଼ିବ ନାହିଁ ।
ଏହା ୨୪ ଘଣ୍ଟିଆ ସ୍ୟାଟେଲାଇଟ୍ ଓଡ଼ିଆ ନ୍ୟୁଜ୍ ଚ୍ୟାନେଲ ।
ଓଡ଼ିଶାରେ ଏକମାତ୍ର ନିରପେକ୍ଷ ନ୍ୟୁଜ୍ ଚ୍ୟାନେଲ ।
ଯଦି ଆପଣ ବଡ଼ ଖବର ଦେଖିପାରୁ ନାହାନ୍ତି, ତେବେ ଆପଣଙ୍କ ଅପରେଟରଙ୍କ ସହ ଯୋଗାଯୋଗ କରନ୍ତୁ । ଆଉ ବଡ଼ ଖବର ଦେବାକୁ ଦାବି କରନ୍ତୁ ।

ଭାରତରୁ ୧,୧୯,୦୦୦ ଶିଶୁଙ୍କୁ ଅନାଥର ପରିଚୟ ଦେଇଛି ମହାମାରୀ

0 19

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କରୋନା ମହାମାରୀ ଅନେକ ସଂସାର ଉଜାଡ଼ି ଦେଇଛି । ତା ସହ ଛୋଟ ଛୋଟ ଛୁଆଙ୍କଠାରୁ ତାଙ୍କ ବାପାମା’ ଓ ସମ୍ପର୍କୀୟଙ୍କୁ ଛଡ଼ାେଇ ନେଇଛି । ସେମାନଙ୍କୁ ଅନାଥର ପରିଚୟ ଦେଇଦେଇଛି । ସାରା ବିଶ୍ୱରେ ୧୫ ଲକ୍ଷରୁ ଅଧିକ ଶିଶୁ ମହାମାରୀ କାରଣରୁ ସେମାନଙ୍କ ବାପା, ମା’ ହରାଇଛନ୍ତି। କରୋନା ମହାମାରୀର ପ୍ରଥମ ୧୪ ମାସରେ କେବଳ ଭାରତରୁ ୧,୧୯,୦୦୦ ଶିଶୁ ସେମାନଙ୍କ ବାପାମାଆ କିମ୍ବା ସେମାନଙ୍କର ଯତ୍ନ ନେଇଥିବା ଅନ୍ୟ ସମ୍ପର୍କୀୟଙ୍କୁ ହରାଇଛନ୍ତି।

ନ୍ୟାସନାଲ ଇନଷ୍ଟିଚ୍ୟୁଟ୍‌ ଅଫ୍‌ ଡ୍ରଗ୍‌ ଆବ୍ୟୁଜ୍‌ ଏବଂ ଏନ୍‌ଆଇଏଚ୍‌ ସହଯୋଗରେ ଏହି ବିଷୟରେ ଜଣାପଡିଛି । ସୂଚନା ଅନୁସାରେ, ଭାରତରେ ୨୫,୫୦୦ ଶିଶୁ ସେମାନଙ୍କ ମା’ଙ୍କୁ ହରାଇଛନ୍ତି ଏବଂ ୯୦,୭୫୧ ଜଣ ସେମାନଙ୍କ ବାପାଙ୍କୁ ହରାଇଛନ୍ତି। ୧୨ ଜଣ ଶିଶୁ ଉଭୟ ବାପା ଏବଂ ମା’ଙ୍କୁ ହରାଇଛନ୍ତି। ସୂଚନା ଅନୁଯାୟୀ, ୧,୧୩୪,୦୦୦ ଶିଶୁ ସେମାନଙ୍କ ବାପା ମା’ କିମ୍ବା ସେମାନଙ୍କ ଯତ୍ନ ନେଉଥିବା ଜେଜେବାବା, ଜେଜେମା’ଙ୍କୁ ହରାଇଛନ୍ତି। ଏଥିମଧ୍ୟରୁ ୧୦,୪୨୦୦୦ ସେମାନଙ୍କ ମା’ , ବାପା କିମ୍ବା ଉଭୟଙ୍କୁ ହରାଇ ଦେଇଛନ୍ତି।

ଅଧିକାଂଶ ଶିଶୁ ବାପା ଏବଂ ମା’ଙ୍କ ମଧ୍ୟରୁ କେବଳ ଜଣଙ୍କୁ ହରାଇଛନ୍ତି। ଦକ୍ଷିଣ ଆଫ୍ରିକା‌, ପେରୁ, ଆମେରିକା, ଭାରତ, ବ୍ରାଜିଲ୍‌ ଏବଂ ମେକ୍ସିକୋରେ ଅଧିକାଂଶ ଶିଶୁ ସେମାନଙ୍କ ପ୍ରାଥମିକ ଅଭିଭାବକ (ବାପା ମା’ କିମ୍ବା ଦାୟିତ୍ବ ନେଇଥିବା ଜେଜେ ବାପା ମା’)ଙ୍କୁ ହରାଇଛନ୍ତି। ଭାରତରେ ୨୦୨୧ ମାର୍ଚ୍ଚ ତୁଳନାରେ ଏପ୍ରିଲ୍‌ ମାସରେ ଶିଶୁମାନେ ଅନାଥ ହେବା ୮.୫ ଗୁଣା ବୃଦ୍ଧି ହୋଇଛି। ମାର୍ଚ୍ଚରେ ୫,୦୯୧ ଶିଶୁ ଅନାଥ ‌ହୋଇଥିବା ବେଳେ ଏପ୍ରିଲ୍‌ରେ ୪୩,୧୩୯ ଶିଶୁ ଅନାଥ ହୋଇଛନ୍ତି। ରିପୋର୍ଟ ଅନୁଯାୟୀ ୨,୮୯୮ ଭାରତୀୟ ଶିଶୁ ସେମାନଙ୍କର ଯତ୍ନ ନେଉଥିବା‌ ଜେଜେ ବାପା କିମ୍ବା ମା’ଙ୍କୁ ହରାଇଛନ୍ତି। ସେମାନଙ୍କ ମଧ୍ୟରୁ ୯ ଜଣ ଉଭୟ ଜେଜେବାପା ଏବଂ ମା’ଙ୍କୁ ହରାଇଛନ୍ତି।

Leave A Reply

Your email address will not be published.