ସିଦ୍ଧୁଙ୍କ ଭାଗ୍ୟ ନିର୍ଣ୍ଣୟ ଆଜି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ) : ପଞ୍ଜାବ କଂଗ୍ରେସରେ ନବଜୋତ ସିଂହ ସିଦ୍ଧୁଙ୍କ ସଭାପତି ପଦକୁ ନେଇ ସଂଶୟ ଲାଗି ରହିଛି। ଏହା ମଧ୍ୟରେ ନବଜୋତ ସିଂହ ସିଦ୍ଧୁଙ୍କୁ ଗୁରୁବାର ଦିଲ୍ଲୀରୁ ଡକରା ଆସିଛି। ଦିଲ୍ଲୀରେ ସିଦ୍ଧୁ ପଞ୍ଜାବ ପ୍ରଭାରୀ ହରିଶ ରାଓ୍ଵତଙ୍କ ସହିତ ଭାରତୀୟ କଂଗ୍ରେସ କମିଟିର ସାଧାରଣ ସଂପାଦକ କେସି ବେଣୁଗୋପାଳଙ୍କୁ ଭେଟିବେ।

ପ୍ରଦେଶ କଂଗ୍ରସ ଅଧ୍ୟକ୍ଷ ପଦରୁ ଇସ୍ତଫା ଦବା ତାଙ୍କ ପାଇଁ ଚିନ୍ତା ବଢିଯାଇଛି । ସିଦ୍ଧୁଙ୍କ ଭବିଷ୍ୟତର ଫୈସଲା ଗୁରୁବାର ହୋଇପାରେ । ରାଷ୍ଟ୍ରିୟ ସଂଗଠନ ମହାସଚିବ କେ ସି ବେଣୁଗୋପାଲ ଏବଂ ପଞ୍ଜାବ ପ୍ରଭାରୀ ହରିଶ ରାୱାତଙ୍କ ସହ ହେବାକୁ ଥିବା ବୈଠକରେ ସିଦ୍ଧୁଙ୍କ ପଦ ସ୍ଥିର ହେବ । ଯଦି ନିର୍ବାଚନ ପର୍ଯ୍ୟନ୍ତ ସେ ନୀରବ ରହିବାର ସର୍ତ୍ତ ମାନନ୍ତି ତେବେ ତାଙ୍କୁ ଦଳରେ ଗୁରୁତ୍ୱପୂର୍ଣ୍ଣ ଦାୟିତ୍ୱ ମିଳିବାର ସମ୍ଭାବନା ରହିଛି ।