କଟିଲା ଲାଇନ, ଚୁପ ରହିଲେ ମନ୍ତ୍ରୀ

ପୁରୀ (ବଡ଼ ଖବର ବ୍ୟୁରୋ):  ରଥଯାତ୍ରା ପ୍ରସ୍ତୁତି ନେଇ ସରିଲା ଶେଷ ସମନ୍ୱୟ ବୈଠକ । ମୁଖ୍ୟମନ୍ତ୍ରୀ ଭିସିରେ ରହିବା ପୂର୍ବରୁ ସମସ୍ତ ବିଭାଗର ଅଧିକାରୀ ଓ ମନ୍ତ୍ରୀ ଟାଉନହଲରେ ଯୋଗଦେଇଥିଲେ । ଶକ୍ତିମନ୍ତ୍ରୀ ପ୍ରତାପ ଦେବ ଟାଉନହଲରେ ପହଞ୍ଚିବା ପରେ ବିଦୁ୍ୟତ ଚାଲିଯାଇଥିଲା । ଲୋକେ ମନ୍ତ୍ରୀଙ୍କୁ ପ୍ରଶ୍ନ ପଚାରିଥିଲେ ମଧ୍ୟ ମନ୍ତ୍ରୀ ମୁହଁ ଖୋଲିନଥିଲେ । ସେପଟେ ବୈଠକରେ ମୁଖ୍ୟମନ୍ତ୍ରୀ ଭିଡ଼ିଓ କନଫ୍ରେନ୍ସ ମାଧ୍ୟମରେ ଉପସ୍ଥିତ ରହି ରଥଯାତ୍ରା ପ୍ରସ୍ତୁତିର ସମୀକ୍ଷା କରିଛନ୍ତି । ସ୍ଵାସ୍ଥ୍ୟ, ପରିମଳ ବ୍ୟବସ୍ଥା, ରାସ୍ତାଘାଟ, ବିଦ୍ୟୁତ ସମସ୍ୟା, ଶାନ୍ତି ଶୃଙ୍ଖଳା, ପାନୀୟ ଜଳଯୋଗାଣ ଓ ରେଳ ଚଳାଚଳ ଉପରେ ଏହି ବୈଠକରେ ଆଲୋଚନା କରାଯାଇଛି ।