ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ମାଡ଼ି ଆସୁଛି ଉଲକା ପିଣ୍ଡ । ପୁଣି ପୃଥିବୀରେ ଉଲକା ପିଣ୍ଡର ଭୟ ଖେଳିଛି । ପୃଥିବୀ ଆଡ଼କୁ ଦ୍ରୁତଗତିରେ ମାଡ଼ି ଆସୁଛି ଗୋଟିଏ ବିରାଟକାୟ ଉଲକା ପିଣ୍ଡ। ବୈଜ୍ଞାନିକଙ୍କ ସୂଚନା ଅନୁସାରେ, ଉଲ୍କାପିଣ୍ଡଟି ଜୁଲାଇ ୨୪ ତାରିଖରେ ପୃଥିବୀକୁ ଅତିକ୍ରମ କରିବ। ଏହାର ଆକାର ଗୋଟିଏ ଷ୍ଟାଡିୟମ ଭଳି ହେବ ବୋଲି ବୈଜ୍ଞାନିକମାନେ କହିଛନ୍ତି। ବିପଦ କ୍ୟାଟେଗୋରୀରେ ଏହାକୁ ରଖିଛି ଆମେରିକା ମହାକାଶ ଗବେଷଣା କେନ୍ଦ୍ର ନାସା।
ଉଲ୍କାପିଣ୍ଡଟି ବିପର୍ଯ୍ୟୟ ଘଟାଇବାର ଆଶଙ୍କା ରହିଛି। ଏହାର ନାମ ରହିଛି 2008Go20 । ଉଲ୍କାପିଣ୍ଡଟି ଅତି ତୀବ୍ର ଗତିରେ ଆସୁଥିବାରୁ ଯାହା ଦେହରେ ବାଡ଼େଇ ହେବ ତାହା ଧ୍ୱଂଶ ପାଇଯିବ ବୋଲି ଆଶଙ୍କା କରାଯାଉଛି। ଏହି ଉଲକାପିଣ୍ଡଟି ସେକେଣ୍ଡ ପିଛା ୮ କିମି ବେଗରେ ଗତି କରୁଥିବା ବେଳେ ଘଣ୍ଟାପ୍ରତି ବେଗ ବେଗ ରହିଛି ୨୮,୮୦୦ କିମି। ତେବେ ନାସା ଏହାର ଗତିପଥ ଉପରେ ତୀକ୍ଷ୍ଣ ନଜର ରଖିଛି। ଜୁନ୍ ମାସରେ ଇଫେଲ ଟାୱାର ଆକାରରେ ୨୦୨୧କେଟି୧ ନାମକ ଗୋଟିଏ ଉଲକା ପୃଥିବୀ ନିକଟ ଦେଇ ଯାଇଥିଲା।
ଏହା ପୃଥିବୀ ଠାରୁ ୪.୫ ମିଲିୟନ ଦୂରତାରେ ଯାଇଥିଲା। ଏହାକୁ ମଧ୍ୟ ବିପଦଜନକ ତାଲିକାଭୁକ୍ତ କରିଥିଲା ନାସା। ପୃଥିବୀ ଠାରୁ ୪.୬ ମିଲିୟନ ଦୂର ଦେଇ ଗତି କରୁଥିବା ସମସ୍ତ ବସ୍ତକୁ ବିପଦଜ୍ଜନକ ତାଲିକାରେ ରଖାଯାଇଥାଏ। ତେବେ ଜୁଲାଇ ୨୪ ତାରିଖରେ ପୃଥିବୀ ଦେଇ ଯିବାକୁ ଥିବା ଉଲକାର ଆର୍ଥ ଅବଜେକ୍ଟ ୨୦ ମିଟର ଚଉଡ଼ା ହୋଇଥିବା ବେଳେ ଏହା ୨୮,୭୦,୮୪୭,୬୦୭ କିଲୋମିଟର ଦୂରରୁ ଦୃଶ୍ୟମାନ ହେବ। ଯାହା ପୃଥିବୀ ଏବଂ ଚନ୍ଦ୍ରର ମୋଟ ଦୂରତା ଠାରୁ ୮ ଗୁଣ ଅଧିକ। ଜୁଲାଇ ୨୪ ତାରିଖ ରାତିରେ ଏନଇଓ ଆପୋଲୋ ନାମକ ଏକ କକ୍ଷପଥ ଦେଇ ଗତି କରିବ ବୋଲି ବୈଜ୍ଞାନିକମାନେ ସୂଚନା ଦେଇଛନ୍ତି।
