୪ଟା ଯାଏ ଗୃହ ମୁଲତବି

ଭୁବନେଶ୍ୱର(ବଡ଼ ଖବର ବ୍ୟୁରୋ): ବଜେଟ ଅଧିବେଶନର ଦ୍ୱିତୀୟ ଦିନରେ ଗୃହରେ ଅଚଳାବସ୍ଥା ଦେଖାଦେଇଛି । ଗୃହ ଆରମ୍ଭରୁ ବିରୋଧୀ ଓ ଶାସକ ଦଳର ହଟ୍ଟଗୋଳ ପରେ ୧୧.୩୦ ଯାଏ ଗୃହ ମୁଲତବି କରିଥିଲେ ବାଚସ୍ପତି । ପରେ ଗୃହ କାର୍ଯ୍ୟ ଆରମ୍ଭ ହୋଇଥିଲା । ପୁଣି ହଟ୍ଟଗୋଳ ହେବାରୁ ଅପରାହ୍ଣ ୪ଟା ଯାଏ ଗୃହକୁ ମୁଲତବି କରାଯାଇଛି । ସେପଟେ ଗୃହ ସୁପରିଚାଳନା ନିମନ୍ତେ କାର୍ଯ୍ୟ ପରାମର୍ଶ କମିଟି ବୈଠକ ଡାକିଛନ୍ତି ବାଚସ୍ପତି । ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କ ହତ୍ୟା ଘଟଣାକୁ ନେଇ ବିରୋଧୀ ଗୃହରେ ହଟ୍ଟଗୋଳ କରିଥିଲେ । ଏବଂ ସିବିଆଇ ଯାଞ୍ଚ ଦାବି କରିଛନ୍ତି । ଶାସକ ମଧ୍ୟ କେନ୍ଦ୍ର ଅବହେଳାକୁ ପ୍ରସଙ୍ଗ କରି ଗୃହରେ ହୋହଲ୍ଲା କରିଛି ।