ବଦଳିଲେ କୋରାପୁଟ ଜିଲ୍ଲାପାଳ

ଭୁବନେଶ୍ୱର (ବଡ଼ ଖବର ବ୍ୟୁରୋ): ବଦଳିଲେ କୋରାପୁଟ ଜିଲ୍ଲାପାଳ ମଧୁସୂଦନ ମିଶ୍ର । ତାଙ୍କ ସ୍ଥାନରେ କଟକ ପିଡି ଡିଆର୍‌ଡିଏ ମହମ୍ମଦ ଅବଦାଲ ଅଖତରଙ୍କୁ ଦାୟିତ୍ୱ । କୋଟିଆ ପଞ୍ଚାୟତରେ ଆନ୍ଧ୍ରପ୍ରଦେଶ ନିର୍ବାଚନ ନେଇ ଚର୍ଚ୍ଚା ଜୋର ଧରିବାପରେ ମଧୁସୂଦନ ମିଶ୍ରଙ୍କୁ ଜଙ୍ଗଲ ଓ ପରିବେଶ ବିଭାଗକୁ ବଦଳି କରାଯାଇଛି ।

କୋରାପୁଟର ସୀମାରେ ଥିବା କୋଟିଆ ପଞ୍ଚାୟତର ୩ଟି ଗାଁ ତଳଗଞ୍ଜେଇପଦର, ପଟୁ ସିନେରୀ ଓ ଫଗୁଣସିନେରୀକୁ ଆନ୍ଧ୍ର ସରକାର ନିଜ ଦଖଲକୁ ନେଇ ସେଠାରେ ନିର୍ବାଚନ କରିବାନେଇ ଘୋଷଣା କରିଥିବାରୁ ଦିନ ତମାମ ଗଣମାଧ୍ୟମରେ ଚର୍ଚ୍ଚା ହେବାପରେ କୋରାପୁଟ ଜିଲ୍ଲା ପ୍ରଶାସନର ଦାୟିତ୍ୱହୀନତା କଥା ସାମ୍ନାକୁ ଆସିଥିଲା। ଯେଉଁଥିପାଇଁ ସରକାର ତରବରିଆ ଭାବରେ ଶ୍ରୀ ମିଶ୍ରଙ୍କୁ ବଦଳି କରିଥିବା କଥା ଚର୍ଚ୍ଚା ହେଉଛି ।