ରାଷ୍ଟ୍ରୀୟ ମର୍ଯ୍ୟାଦା ସହ ସରିଲା ଅଭିନେତା ପୁନୀତଙ୍କ ଶେଷକୃତ୍ୟ
(ବଡ଼ ଖବର ବ୍ୟୁରୋ): ପାୱାରଷ୍ଟାର ପୁନୀତ ରାଜକୁମାରଙ୍କୁ ଅଲବିଦା । ପରିବାର, ପ୍ରିୟଜନ ଓ ହଜାର ହଜାର ଫ୍ୟାନଙ୍କ ଗହଣରେ କନ୍ନଡ ଅଭିନେତା ପୁନୀତଙ୍କୁ ଶେଷ ବିଦାୟ ଦିଆଯାଇଛି । ବେଙ୍ଗାଲୁରର କାନ୍ତିରବା ଷ୍ଟୁଡିଓରେ ରାଷ୍ଟ୍ରୀୟ ମର୍ଯ୍ୟାଦା ସହ ତାଙ୍କ ଶେଷକୃତ୍ୟ ହୋଇଛି । ଏହି ସମୟରେ ଶହ ଶହ ସଂଖ୍ୟାରେ ଲୋକେ ଉପସ୍ଥିତ ଥିଲେ । କର୍ଣ୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇ ଆଜି ବି ସମାଧି ସ୍ଥଳରେ ଉପସ୍ଥିତ ଥିଲେ ।
ଗତକାଲି ରାତିରେ ପୁନୀତଙ୍କ ଦୁଇ ଝିଅ ବିଦେଶରୁ ଫେରିବା ପରେ ଶେଷକୃତ୍ୟ ନେଇ ପ୍ରକ୍ରିୟା ଆରମ୍ଭ ହୋଇଥିଲା । ସୂଚନା ଅନୁଯାୟୀ, ଶୁକ୍ରବାର ରାତିରେ ପୁନୀତଙ୍କୁ ହୃଦଘାତ ହୋଇଥିଲା । ଏବାପରେ ତାଙ୍କୁ ବିକ୍ରମ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ଅବସ୍ଥା ଗୁରୁତର ଥିଲା । ଡାକ୍ତରମାନଙ୍କ ଚେଷ୍ଟା ପରେ ବି ପୁନୀତଙ୍କୁ ବଞ୍ଚାଇ ପାରି ନଥିଲେ । ତାଙ୍କର ହଠାତ ଏମିତି ମୃତ୍ୟୁକୁ ଏମିିତି କେହି ସହଜରେ ଗ୍ରହଣ କରି ପାରି ନଥିଲେ । ମାତ୍ର ୪୬ ବର୍ଷ ବୟସରେ ତାଙ୍କର ମୃତ୍ୟୁ ହୋଇଥିବା ଖବର ସାରା ସାଉଥ ଇଣ୍ଡଷ୍ଟ୍ରିକୁ ବହୁତ ବଡ ଧକ୍କା ଲାଗିଛି ।