ପାଇଖାନା ବାବଦକୁ ଆସିଥିବା ଅର୍ଥ ହଡ଼ପ
ଭୁବନେଶ୍ୱର(ବଡ଼ ଖବର ବ୍ୟୁରୋ): ସ୍ୱଚ୍ଛ ଭାରତ ମିଶନ ଯୋଜନାରେ ସରକାର ଲୋକଙ୍କୁ ପାଇଖାନା ଯୋଗାଇଛନ୍ତି । କିନ୍ତୁ ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକରେ ବ୍ୟାପକ ଅନିୟମିତତା ହୋଇଥିବା ଦେଖିବାକୁ ମିଳିଛି । ପାଇଖାନା ବାବଦକୁ ଆସିଥିବା ଅର୍ଥରାଶିକୁ ହଡ଼ପ କରାଯାଇଥିବା ବେଳେ ବାସ୍ତବରେ କୌଣସି ପାଇଖାନା ନିର୍ମାଣ କରାଯାଇନାହିଁ । ମାନବାଧିକାରୀ କର୍ମୀ ହିମାଂଶୁ ଶେଖର ନାୟକଙ୍କ ଅଭଯୋଗ ଆଧାରରେ ଲୋକାୟୁକ୍ତ ଚାନ୍ଦବାଲି ବିଡିଓ, ଜୁନିୟର ଇଂଞ୍ଜିନିୟର, ସରପଞ୍ଚ, ପଞ୍ଚାୟତ ଏଜୁକ୍ୟୁଟିଭ ଅଫିସର ଏବଂ ଗ୍ରାମ ରୋଜଗାର ସେବକଙ୍କୁ ରିପୋର୍ଟ ତଲବ କରିଛନ୍ତି ।
ଆସନ୍ତା ଶୁଣାଣି ପୂର୍ବରୁ ସେମାନେ ନିଜର ମତାମତ ରଖିବାକୁ କୁହାଯାଇଛି । ଚାନ୍ଦବାଲି ବ୍ଲକରେ ୯ ଶହରୁ ଅଧିକ ହିତାଧିକାରୀ ସ୍ୱଚ୍ଛ ଭାରତ ମିଶନରେ ପାଇଖାନା ପାଇଥିଲେ । କିନ୍ତୁ ସେଥିରୁ ୧୯୧ ହିତାଧିକାରୀଙ୍କୁ କୌଣସି ପାଇଖାନା ମିଳିନଥିବା ବେଳେ ସେମାନଙ୍କ ଟଙ୍କାରୁ ହରିଲୁଟ କରାଯାଇଥିଲା । ୧୯୧ ଜଣଙ୍କ ନାଁ ରେ ଆସିଥିବା ପ୍ରାୟ ୨୩ ଲକ୍ଷ ଟଙ୍କା ଟଙ୍କାକୁ ଚଳୁ କରିଦେଇଥିଲେ । ପାଇଖାନା ପାଇନଥିବା ବ୍ୟକ୍ତି ବ୍ଲକ ଅଫିସକୁ ଯାଇ ସେନାଙ୍କୁ କ’ଣ ପାଇଁ ପାଇଖାନା ମିଳିନଥୁଲା ସେ ବିଷୟରେ ପଚରାଉଚରା କରିଥିଲେ ।
ଏନେଇ ଲୋକାୟୁକ୍ତଙ୍କୁ ଜଣାଯିବା ପରେ ଲୋକାୟୁକ୍ତ ୫ଜଣ ହିତାଧିକାରୀଙ୍କ ଚୁକ୍ତିନାମା ମାଗିଥିଲେ। ୫ଜଣ ହିତାଧିକାରୀଙ୍କୁ ପାଇଖାନା ମିଳିନଥିବା ସେ ଜଣାଇଥିଲେ । ଏହି ବିଷୟରେ ଲୋକାୟୁକ୍ତ ପରଖିବା ପରେ ଚାନ୍ଦବାଲି ବିଡିଓ ଓ ଅନ୍ୟମାନଙ୍କୁ ରିପୋର୍ଟ ତଲବ କରିଥିଲେ।
