ବିଶ୍ୱର ସବୁଠାରୁ ଦାମି ଔଷଧ,ଜାଣନ୍ତୁ କେତେ ରହିଛି ଏହାର ମୂଲ୍ୟ
ବଡ଼ ଖବର: ସବୁଠାରୁ ଦାମି ଔଷଧ, ଯାହା ବିଶ୍ୱମାନ୍ୟତା ପ୍ରାପ୍ତ । ଯାହାର ମୂଲ୍ୟ ଶୁଣିଲେ ଚକିତ ହୋଇଯିବେ । ଏହି ଔଷଧ ଦ୍ୱାରା ଘାତକ ସ୍ପାଇନାଲ୍ ମସ୍କୁଲାର ଆଟ୍ରପି(ଏସ୍ଏମ୍ଏ), ମାଂସପେଶୀରେ ଦୁର୍ବଳତା ଓ ଆନୁବଂଶିକ ରୋଗକୁ ଭଲ କରିପାରିବ । ଯାହାର ମୂଲ୍ୟ ୧.୭୯ ଲକ୍ଷ ପାଉଣ୍ଡ ବା ୧୮ କୋଟି ଟଙ୍କା ରହିଛି। ବିଟ୍ରେନର ଜାତୀୟ ସ୍ୱାସ୍ଥ୍ୟ ସେବା(ଏନ୍ଏଚ୍ଏସ୍) ବିରଳ ‘ଜୋଲଜେନ୍ସମାଦ ଔଷଧକୁ ମଞ୍ଜୁରୀ ଦେଇଛି।
ନୋଭାର୍ଟିସ୍ ଜିନ୍ ଥେରାପିଜ କମ୍ପାନୀ ଦ୍ୱାରା ଏହି ଔଷଧ ପ୍ରସ୍ତୁତ ହୋଇଛି । ସୂଚନା ଅନୁସାରେ ଏହା ଏସ୍ଏମ୍ଏରେ ପୀଡ଼ିତ ଶିଶୁ ଓ ଛୋଟ ପିଲାଙ୍କଠାରେ ଏହି ବିରଳ ଔଷଧର ପ୍ରୟୋଗ କରାଯାଇପାରିବ। ଏସ୍ଏମ୍ଏଏ ଟାଇପ୍-୧ ସହ ଜନ୍ମିତ ଶିଶୁମାନଙ୍କର ଜୀବନଧାରଣ କ୍ଷମତା ମାତ୍ର ୨ ବର୍ଷ ଥାଏ। ସେମାନଙ୍କୁ ‘ଜୋଲଜେନ୍ସମାଦ ଦେଲେ ଏହି ଅସୁବିଧା ଦୂର ହୋଇଥାଏ। ଶରୀରରେ ସ୍ନାୟୁ ସଞ୍ଚାଳନ ଓ ମାଂସପେଶୀକୁ ଚଳାଚଳ କରିବା ପାଇଁ ଆବଶ୍ୟକ ପ୍ରୋଟିନ୍ ବିକଶିତ ହୋଇଥାଏ।
ଘାତକ ରୋଗରେ ଆକ୍ରାନ୍ତ ହେଉଥିବା ଛୋଟ ପିଲା ଓ ଶିଶୁଙ୍କ ଜୀବନ ଏହା ବଦଳାଇବାରେ ସହାୟକ ହେଉଥିବାରୁ ଏହାର ଦାମ ଅଧିକ ରହିଛି ବୋଲି ବ୍ରିଟେନ୍ ଏନ୍ଏଚ୍ଏସ୍ର ମୁଖ୍ୟ କାର୍ୟ୍ୟନିର୍ବାହି ଅଧିକାରୀ ସାର୍ ସାଇମନ୍ ଷ୍ଟିଭେନ୍ସ କହିଛନ୍ତି। ଘାତକ ସ୍ପାଇନାଲ୍ ମସ୍କୁଲାର ଆଟ୍ରପି ଯୋଗୁ ଶିଶୁ ଓ ଛୋଟ ପିଲାମାନେ ପ୍ରାଣ ହରାନ୍ତି । ଯାହାକୁ ଦୃଷ୍ଟିରେ ରଖି ବ୍ରିଟେନ ଏନଏଚଏସ୍ରେ ଔଷଧ ବାହାର କରିବାକୁ ପ୍ରୟାସ କରିଥିଲା। ବିଭିନ୍ନ ପରୀକ୍ଷା ନୀରିକ୍ଷା ପରେ ଜୋଲଜେନସମାକୁ ବିକଶିତ କରାଯାଇଛି।