ସିନାପାଲି(ବଡ଼ ଖବର ବ୍ୟୁରୋ): ଶୀତର ଲହରୀରେ ସାରା ନୂଆପଡା ଥରୁଛି । ମନଭରି ଉପଭୋଗ କରିବାର ଏହା ଅଭୁଲା ମୁହୂର୍ତ୍ତ । କୁହୁଡିଆ ସକାଳ ଅଧିବାସୀଙ୍କୁ କରୁଛି ମତୁଆଲା । ସୁନ୍ଦର ସକାଳ ସହ ସୋରିଷ ଫୁଲର ବିସ୍ତିର୍ଣ୍ଣ କ୍ଷେତ । ଗାଁର ଘାସ ଗାଲିଚା ଉପରେ ସଜେଇ ହୋଇଛି କାକର । ଲାଗୁଛି ସତେ ଯେମିତି ନିରୀହ ଅଧିବାସୀଙ୍କୁ ଅଭୁଲା ମୁହୂର୍ତ୍ତର ସୁଯୋଗ ଦେବାକୁ ଶୀତ ନିଜକୁ ପ୍ରସ୍ତୁତ କରି ଆସିଛି । ଶୀତକୁ ବେଶ୍ ନୂଆ ଢଙ୍ଗରେ ସ୍ୱାଗତ କରୁଛନ୍ତି ନୂଆପଡାବାସୀ । ହାତରେ ଚା’ କପ୍ ସହ ମନରେ ଭରି ରହିଛି ଅସୀମ ଆଗ୍ରହ । ସୂର୍ଯ୍ୟ ଉଇଁଲା ମାତ୍ରେ ଗାଁର ଚିତ୍ର ବଦଳିଯାଉଛି । ଲାଗୁଛି ନୂଆ ନୂଆ । ଏହି ଶୀତକୁ ଉପଭୋଗ କରିବା ପାଇଁ ଜିଲ୍ଲା ବାହାରର ପର୍ଯ୍ୟଟକଙ୍କ ଭିଡ ଜମୁଛି ।

Leave a Reply

Your email address will not be published. Required fields are marked *