ଲାଲବାହିନୀର ଲାଲତାଣ୍ଡବ

ମୁନିଗୁଡା (ବଡ଼ ଖବର ବ୍ୟୁରୋ): ଗ୍ରାମରକ୍ଷୀଙ୍କୁ ହତ୍ୟା କଲେ ମାଓବାଦୀ । ଏଭଳି ଏକ ଅଭାବନୀୟ ଘଟଣା ଘଟିଛି ରାୟଗଡା ଜିଲ୍ଲା ଅମ୍ବାଦଳା ଥାନା ମାଓ ସମ୍ବେଦନଶୀଳ ଅଞ୍ଚଳ ଡ଼ିମିରିଗୁଡା ପଞ୍ଚାୟତର ଟିକରପଡା ଗ୍ରାମରେ । ମୃତକ ହେଲେ ସନ୍ତୋଷ ଦଣ୍ଡସେନା । ଅମ୍ବାଦଳା ଥାନା ଅଧୀନରେ କାର୍ୟ୍ୟରତ ଗ୍ରାମରକ୍ଷୀ ସନ୍ତୋଷ ଦଣ୍ଡସେନାଙ୍କୁ ଗତକାଲି ବିଳମ୍ବିତ ରାତ୍ରୀରେ ମାଓବାଦୀ ଘରୁ ଉଠେଇ ନେଇଥିଲେ ।

ପୁଲିସ ଇନଫର୍ମର ସାଜି ମାଓବାଦୀଙ୍କ ଗତିବିଧି ଉପରେ ନଜର ରଖି ସ୍ଥାନୀୟ ଯୁବକ ମାନଙ୍କୁ ଟଙ୍କା ମଦ ଦେଇ ପୁଲିସଙ୍କ ନିକଟସ୍ଥ କରିବା ଏବଂ ମାଓ ବିରୋଧୀ କାର୍ଯ୍ୟ କରିବାକୁ ନେଇ ଦଣ୍ଡ ଦେଇଥିବା ବିଷୟ ନିକଟରେ ପଡ଼ିଥିବା ମାଓ ପୋଷ୍ଟରରେ ଉଲ୍ଲେଖ ହୋଇଛ । ମାଓବାଦୀ ସନ୍ତୋଷର ପାଟିରେ ଗୁଳି କରିଥିବା ଅନୁମାନ କରାଯାଉଛି । ଉକ୍ତ ଘଟଣା ପରେ ସମଗ୍ର ଅଞ୍ଚଳ ଭୟର ବାତାବରଣ ଦେଖିବାକୁ ମିଳିଛି । ମୃତଙ୍କ ସ୍ତ୍ରୀ ପୋଲିସ ପାଇଁ ସ୍ୱାମି ହରାଇଥିବା ଜଣାଇଛନ୍ତି ।