କୁଆଡେ ଗଲା ରେଳ ‘କବଚ’?

ଭୁବନେଶ୍ୱର (ବଡ଼ ଖବର ବ୍ୟୁରୋ):ପାଖାପାଖି ୩୦୦ ଲୋକଙ୍କ ମୃତ୍ୟୁ, ୧୦୦୦ରୁ ଅଧିକ ଲୋକ ଆହତ ଏହି ଅଘଟଣ ଘଟିବା ପୂର୍ବରୁ କୁଆଡେ ଗଲା ‘କବଚ’ । ଏହି ହୃଦୟ ବିଦାରକ ମୃତ୍ୟୁ ପାଇଁ କିଏ ଦାୟୀ? ୨୦୨୨ ମାର୍ଚ୍ଚରେ ରେଳ ମନ୍ତ୍ରୀ ଏକ ଅଟୋମେଟିକ ଟ୍ରେନ ପ୍ରୋଟେକ୍ସନ ଟେକ୍ନୋଲୋଜି ସମ୍ଭନ୍ଧରେ ସୂଚନା ଦେଇଥିଲେ । ଦୁଇଟି ଟ୍ରେନ ଯଦି ଭୁଲବଶତଃ ଗୋଟିଏ ଟ୍ରାକରେ ଆସିଯାଏ ତେବେ ଦୁଇଟି ଟ୍ରେନ ପାଖାପାଖି ହେବା ପୂର୍ବରୁ କବଚ ଏଥିରେ ବ୍ରେକ ଲଗାଇଥାଏ । ଯାହା ଫଳରେ ଦୁର୍ଘଟଣା ହେବନାହିଁ । ରେଡ ଲାଇଟ ପୂର୍ବରୁ ଟ୍ରେନର କବଚ ଟ୍ରେନର ସ୍ପିଡକୁ କମ କରିଦେବ । ଏପରିକି ଗେଟ ପୂର୍ବରୁ ମଧ୍ୟ ଟ୍ରେନର ସ୍ପିଡ କମ ହୋଇଯିବ । କୁଆଡେ ଗଲା ଏହି ପ୍ରୋଟେକ୍ସନ ଟେକ୍ନୋଲୋଜି । ଆଜି କଣ ପାଇଁ ରେଳ ‘କବଚ’ କାମରେ ଲାଗିଲା ନାହିଁ ବୋଲି ପ୍ରଶ୍ନ ଉଠୁଛି ।