ଶ୍ରୀମନ୍ଦିରରେ ହେବ ଆଲୋକୀକରଣ ଓ ଲେଜର ସ୍କାନିଂ

ପୁରୀ (ବଡ଼ ଖବର ବ୍ୟୁରୋ): ଶ୍ରୀମନ୍ଦିରରେ ହେବ ଆଲୋକୀକରଣ ଓ ଲେଜର ସ୍କାନିଂ । ରଥଯାତ୍ରା ସମୟରେ ମରାମତି କାର୍ଯ୍ୟ ଓ ଲେଜର ସ୍କାନିଂ କରାଯିବା ନେଇ ନିଷ୍ପତି ନିଆଯାଇଛି । କୋଣାର୍କ ମନ୍ଦିରରେ ଲେଜର ସ୍କାନିଂ ବ୍ୟବସ୍ଥାର ସଫଳ ପରୀକ୍ଷଣ ପରେ ପୁରୀ ଶ୍ରୀମନ୍ଦିରରେ ଏହା କରିବା ପାଇଁ ନିଷ୍ପତି ନିଆଯାଇଛି ।

ଏହି ବ୍ୟବସ୍ଥା କିଭଳି କରାଯିବ, ସେ ସମ୍ପର୍କରେ ସେବାୟତଙ୍କୁ ବୁଝାଇବା ପାଇଁ ଏଏସଆଇ ଓ ଶ୍ରୀମନ୍ଦିର ପ୍ରଶାସନର ୨ଜଣ ଇଞ୍ଜିନିୟର ନିୟୋଜିତ ରହିବେ । ଲେଜର ସ୍କାନିଂ ଦ୍ୱାରା ଶ୍ରୀମନ୍ଦିରର କେଉଁ ସ୍ଥାନରେ ପଥର ଦୁର୍ବଳ ରହିଛି, ତାହା ସହଜରେ ଜାଣିହେବ । ଶ୍ରୀମନ୍ଦିରରେ ଏହି ବ୍ୟବସ୍ଥା ନୂଆ ହୋଇଥିବାରୁ ଏ ସଂପର୍କରେ ଅଧିକ ବୈଠକ କରାଯିବ ବୋଲି କହିଛନ୍ତି ମୁଖ୍ୟ ପ୍ରଶାସକ ।