ଶପଥ ନେବେ ଅସ୍ଥାୟୀ ବାଚସ୍ପତି

ଭୁବନେଶ୍ୱର (ବଡ଼ ଖବର ବ୍ୟୁରୋ): କିଏ ହେବେ ବାଚସ୍ପତି ଲାଗିଛି କଳ୍ପନାଜଳ୍ପନା । ତେବେ ଏହାରି ଭିତରେ ଆଠଗଡ଼ ବିଧାୟକ ରଣେନ୍ଦ୍ର ପ୍ରତାପ(ରାଜା) ସ୍ୱାଇଁ ଅସ୍ଥାୟୀ ବାଚସ୍ପତିର ଦାୟିତ୍ୱ ନିର୍ବାହ କରିବେ । ଚଳିତ ବିଧାନସଭାକୁ ନିର୍ବାଚିତ ହୋଇଥିବା ବିଧାୟକମାନଙ୍କ ମଧ୍ୟରୁ ସେ ସର୍ବାଧିକ ୮ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି । ୧୯୯୦ରୁ ଲଗାତର ବିଧାୟକ ଭାବେ ଆଠଗଡ଼ରୁ ନିର୍ବାଚିତ ହୋଇଛନ୍ତି । ଅସ୍ଥାୟୀ ବାଚସ୍ପତି ଭାବେ ଶୁକ୍ରବାର ଶପଥ ନେବେ ରଣେନ୍ଦ୍ର ।

ପରେ ସେ ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ ପରିଚାଳନା କରିବେ । ୨୦ରେ ନିୟମିତ ବାଚସ୍ପତି ବାଛିବା ପାଇଁ ନିର୍ବାଚନ ଅନୁଷ୍ଠିତ ହେବ । ରଣପୁର ବିଧାୟକ ସୁରମା ପାଢୀ ବିଜେପିର ବାଚସ୍ପତି ପ୍ରାର୍ଥୀ ହେବେ ବୋଲି ସୂଚନା ମିଳିଛି ।