ରାହୁଲଙ୍କ ବିଜୟ ସଙ୍କଳ୍ପ ଯାତ୍ରା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ପାଖେଇ ଆସୁଛି ହରିୟାଣା ବିଧାନସଭା ନିର୍ବାଚନ । ଯାହାକୁ ନେଇ ନେଇ କଂଗ୍ରେସ ରଣନୀତି ପ୍ରସ୍ତୁତ କରିଛି । ରାହୁଲ ଗାନ୍ଧୀ ରାଲି ବଦଳରେ ରାଜ୍ୟରେ ଏକ ବିଜୟ ସଂକଳ୍ପ ଯାତ୍ରା କରିବାକୁ ଯାଉଛନ୍ତି । ସୋମବାରଠାରୁ ରାହୁଲ ଭାରତ ଯୋଡ଼ୋ ଯାତ୍ରା ଭଳି ହରିଆଣାରେ ଏହି ଯାତ୍ରାରେ ବାହାରିବେ ବୋଲି ଜଣାପଡ଼ିଛି । ଅକ୍ଟୋବର ୫ରେ ଭୋଟିଂ ହେବାକୁ ଥିବାବେଳେ ରାହୁଲଙ୍କ ବିଜୟ ସଂକଳ୍ପ ଯାତ୍ରା ଅକ୍ଟୋବର ୩ ପର୍ଯ୍ୟନ୍ତ ଚାଲିବ ।

କଂଗ୍ରେସ ଜିତିବାକୁ ଥିବା ବିଧାନସଭା ନିର୍ବାଚନମଣ୍ଡଳି ଦେଇ ଏହି ଯାତ୍ରା ଅନ୍ୟ ସ୍ଥାନକୁ ଯିବ ବୋଲି କୁହାଯାଉଛି । ତେବେ ଯାତ୍ରାର ବିସ୍ତୃତ ରୁଟ୍ ବାବଦରେ ସୂଚନା ଦିଆଯାଇନାହିଁ । ଲୋକସଭା ନିର୍ବାଚନ ପୂର୍ବରୁ ରାହୁଲଙ୍କ ଭାରତ ଯୋଡ଼ୋ ଯାତ୍ରା କଂଗ୍ରେସକୁ ଫାଇଦା ଦେଇଥିଲା । ଏହାକୁ ଦୃଷ୍ଟିରେ ରଖି ହରିଆଣାରେ ବହୁସଂଖ୍ୟାରେ ଜନମତ ହାସଲ କରିବାକୁ କଂଗ୍ରେସ ଏପରି ମେଗା ପ୍ଲାନ୍ କରିଛି।