ଦିବ୍ୟାଙ୍ଗ ଭଉଣୀଙ୍କ କରୁଣ କାହାଣୀ

ଉମରକୋଟ (ବଡ଼ ଖବର ବ୍ୟୁରୋ): ଦିବ୍ୟାଙ୍ଗ ଭଉଣୀଙ୍କ କରୁଣ କାହାଣୀ ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକରେ । ଗ୍ରାମର ଜଗଦେବ ଗଣ୍ଡଙ୍କ ଦୁଇ ଝିଅ ସିଆନ୍ତି ଗଣ୍ଡ ଓ ସରିତା ଗଣ୍ଡ । ଉଭୟ ଜନ୍ମରୁ ଦିବ୍ୟାଙ୍ଗ । ବାଲ୍ୟକାଳରୁ ଦୁଇ ଝିଅ ଶାରିରୀକ ଓ ମାନସିକ ରୋଗାକ୍ରାନ୍ତ । ଅର୍ଥ ଅଭାବରୁ ଝିଅଙ୍କୁ ମେଡିକାଲ ନେଇପାରୁ ନାହାନ୍ତି ଜଗଦେବ । ଲୋକଙ୍କ ଘରେ କୁଲି କରି ପରିବାର ଚଳାନ୍ତି ବାପା ଜଗଦେବ । ସରକାରଙ୍କ ମାଳମାଳ ଯୋଜନା ଥାଇ ମଧ୍ୟ ଏଥିରୁ ବଂଚିତ ଅଛନ୍ତି ଏହି ପରିବାର । ସରକାରଙ୍କୁ ଗୁହାରୀ କଲେ ମଧ୍ୟ କିଛି ଫଳ ମିଳିନାହିଁ । ପ୍ରଶାସନ ଯଦି ସାହାର୍ଯ୍ୟର ହାତ ବଢାନ୍ତେ ତେବେ ଏହି ପରିବାରର ଦୁଃଖ ଦୂର ହୋଇପାରନ୍ତା ବୋଲି ଗ୍ରାମବାସୀ କହିଛନ୍ତି ।