ଗୋରୁଙ୍କ ଉପରେ ଚଢିଗଲା ଟ୍ରକ, ୮ଗୋରୁ ମୃତ ୩ ଆହାତ

ଯୋଡା(ବଡ଼ ଖବର ବ୍ୟୁରୋ): ଯୋଡ଼ା ଥାନା, ୫୨୦ ନମ୍ବର ଜାତୀୟ ରାଜପଥ କରଣସାହି ସ୍ମିତା ପେଟ୍ରୋଲ ପମ୍ପ୍ ନିକଟରେ ଅଘଟଣ । ରାସ୍ତା ଉପରେ ଶୋଇଥିବା ଗୋରୁ ପଲଙ୍କ ଉପରେ ଚଢିଗଲା ଅଜଣା ଟ୍ରକ୍ । ଆଜି ଭୋର ସମୟରେ ଏକ ଅଭାବନୀୟ ଘଟଣା ଘଟିଛି । ଯୋଡ଼ା ପଟୁ କେନ୍ଦୁଝର ପଟକୁ ଯାଉଥିବା ଏକ ଅଜଣା ଟ୍ରକ୍ ଗୋରୁ ପଲଙ୍କ ଉପରେ ଚଢାଇ ଘଟଣା ସ୍ଥଳରୁ ଖସି ପଲାଇଛି ।

ମୃତ ଗୋରୁପଲଙ୍କ ମଧ୍ୟରେ ୬ଟି ଗାଈ ଓ ୨ ବାଛୁରୀ ରହିଛନ୍ତି । ସେହିପରି ଦୁର୍ଘଟଣାରେ ୩ଟି ଷଣ୍ଢ ଗୁରୁତର ଆହତ ହୋଇଛନ୍ତି । ଯୋଡାର ନନ୍ଦୀ ଗୋ’ ସେବା ସଂଗଠନର କର୍ମକର୍ତ୍ତା ସେଠାରେ ପହଞ୍ଚି ଆହତ ଗୋରୁଙ୍କ ଚିକିତ୍ସା ଆରମ୍ଭ କରିଛନ୍ତି । ସୂଚନାପାଇ ଯୋଡ଼ା ପୋଲିସ୍ ଘଟଣାସ୍ଥଳରେ ପହଁଚି ମୃତ ଗୋରୁଙ୍କୁ ରାସ୍ତା ଉପରୁ ଉଠାଇବା ପାଇଁ ଉଦ୍ୟମ ଚଳାଇଛି ।