ଭୁବନେଶ୍ୱର (ବଡ଼ ଖବର ବ୍ୟୁରୋ): ପ୍ରଦୀପ ପାଣିଗ୍ରାହୀଙ୍କ ଘରେ ଦୀର୍ଘ ୨୩ ଘଣ୍ଟାର ମାରାଥନ୍ ରେଡ ପରେ ଫେରିଛି ଭିଜିଲାନ୍ସ ଟିମ୍ । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ରବିବାରଠାରୁ ଚଢାଉ ଜାରି ରଖିଥିଲା ଭିଜିଲାନ୍ସ ଟିମ୍ । ପ୍ରଦୀପଙ୍କ ଜଣେ ସହଯୋଗୀଙ୍କ ନିକଟରୁ ମିଳିଛି ୨୦ ଲକ୍ଷ ଟଙ୍କା । ଏହି ଟଙ୍କା କାହାର କେଉଁଠୁ ଆସିଲା ଏହି ଟଙ୍କା ତାହାର ତଦନ୍ତ କରୁଛି ଭିଜିଲାନ୍ସ । ଜମିକିଣା କାଗଜପତ୍ର, ଗାଡ଼ି ଓ ସୁନା କିଣା କାଗଜପତ୍ର ଜବତ କରାଯାଇଛି ।
ବ୍ୟାଙ୍କ ପାସ୍ବୁକ, କ୍ରେଡିବ ଓ ଡେବିଟ କାର୍ଡ, ଲାପଟପ୍ ମୋବାଇଲ ମଧ୍ୟ ଜବତ କରାଯାଇଛି । ଚଢାଉ ବେଳେ ବାସଭବନରେ ପ୍ରଦୀପ ପାଣିଗ୍ରାହୀଙ୍କ ସମେତ ଶାଶୂ, ଝିଅ, ଝିଆରୀ,ପୁତୁରା ଉପସ୍ଥିତ ଥିଲେ । ଏକକାଳୀନ ୧୫ଟି ସ୍ଥାନରେ ୨୦ ଅଫିସରଙ୍କୁ ନେଇ ଗଠିତ ଟିମ୍ ଚଢାଉ କରିଥିଲା । ତେବେ ବିଧାୟକଙ୍କ ଘରୁ ୧କିଲୋ ୯୦୦ଗ୍ରାମର ସୁନା ଅଳଙ୍କାର ସାଙ୍ଗକୁ ୮୦୦ଗ୍ରାମ୍ ର ମୂଲ୍ୟବାନ ହୀରା ମିଳିଥିବା ମଧ୍ୟ ସୂଚନା ମିଳିଛି ।
