ଧାନଫସଲ ଜଗିବାକୁ ଯାଇ ମଞ୍ଚାରୁ ପଡି ମହିଳା ମୃତ
(ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ୍ ପିଟାପିଟି ଗାଁରେ ଗତକାଲି ସଂନ୍ଧ୍ୟା ସମୟରେ ଘଟିଯାଇଛି ଏକ ଦୁଃଖଦ ଘଟଣା । ଗାଁର ଜୟନ୍ତି କିସାନ ମଞ୍ଚାରୁ ପଡି ମୃତ୍ୟୁ ଘଟିଛି । ମିଳିଥିବା ସୁଚନା ଅନୁସାରେ ବିଗତ କିଛିଦିନ ହେବ ପିଟାପିଟି ଅଞ୍ଚଳରେ ଜଙ୍ଗଲି ଜନ୍ତୁଙ୍କ ଉପଦ୍ରବ ବଢିବାରେ ଲାଗିଛି । ଗାଁରେ ଜଙ୍ଗଲି ଜନ୍ତୁ ମାନେ ଧାନଫସଲ ନଷ୍ଟ କରୁଥିବାରୁ ପିଟାପିଟି ଗାଁ ଲୋକେ ଧାନଫସଲକୁ ଜଗିବା ପାଇଁ ଜମି ପାଖରେ ମଞ୍ଚା ନିର୍ମାଣ କରି ଫସଲ ଜଗିଥାନ୍ତି ।
ଗାଁରେ କାଲିମଧ୍ୟ ଜୟନ୍ତି ରାତିରେ ଧାନଫସଲ ଜଗିବା ପାଇଁ ମଞ୍ଚା ପାଖକୁ ଯାଇଥିଲେ। ମଞ୍ଚାକୁ ଚଢୁ ଚଢୁ ଦୁର୍ଭାଗ୍ୟବସତଃ ମଞ୍ଚାରୁ ଖସି ପଡିଥିଲେ। ଅନ୍ୟମାନେ ତାଙ୍କୁ ପଡିଯିବାର ଦେଖି ଅଗ୍ନିଶମ ବିଭାଗକୁ ଖବର ଦେଇଥିଲେ। ତେବେ ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ହରିଚନ୍ଦନପୁର ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରକୁ ଆଣୁଥିବା ସମୟରେ ଅଧାବାଟରେ ତାଙ୍କର ମୃତ୍ୟୁ ଘଟିଥି। ସ୍ବାସ୍ଥ୍ୟ କେନ୍ଦ୍ରରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର। ତେବେ ଆଜିସକାଳୁ ହରିଚନ୍ଦନପୁର ପୋଲିସ ଘଟଣାସ୍ଥଳରେ ପହଞ୍ଚି ଶବଟିକୁ ଜବତ କରିବା ସହିତ ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପକ୍ଷରେ ଅଧିକ ତଦନ୍ତ ମଧ୍ୟ ଚଳାଇଛି ପୋଲିସ ।