ମନ୍ଦିରରୁ ଚୋରି

କନ୍ଧମାଳ (ବଡ଼ ଖବର ବ୍ୟୁରୋ): ଚକାପଦରର ମନ୍ଦିରରୁ ତାଲା ଭାଙ୍ଗି ଚୋରି। କନ୍ଧମାଳ ଜିଲା ଚକାପାଦର ବିରୁପାକ୍ଷ ଓ ଆନନ୍ଦେଶ୍ୱର ମନ୍ଦିରରୁ ତାଲା ଭାଙ୍ଗି ଦାନ ହୁଣ୍ଡି ଚୋରି। ସକାଳୁ ପୂଜକ ପଂଚାନନ ମହାପାତ୍ର ଓ ସଂସାରୀ ମହାପାତ୍ର ମନ୍ଦିର ଖୋଲିବା ବେଳେ ଚୋରି ହୋଇଥିବା ଜାଣି ଥାନାକୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ଚକାପାଦ ଅଚଂଳରେ ଗତ କିଛି ଦିନ ଧରି ଡକାୟତି, ଚୋରି , ହତ୍ୟା ଘଟଣା ଦେଖିବାକୁ ମିଳିଛି।

କିଛିଦିନ ଆଗରୁ ଏକ ମୋବାଇଲ ଦୋକାନରୁ ୪ ଲକ୍ଷ ଟଙ୍କାର ମୋବାଇଲ ଚୋରି ଯାଇଥିଲା। ପୋଲିସ ନିଷ୍କ୍ରିୟତା ଅଭାବରୁ ଏପରି ଘଟଣା ଘଟୁଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି। ଏନେଇ କିଛିଦିନ ଆଗରୁ ବଣିକ ସଂଘ ପକ୍ଷରୁ ଚକାପାଦ ଥାନା ଘେରାଉ କରାଯାଇଥିଲା। ତଥାପି ଚୋରି ଘଟଣା ବଢିଚାଲିଛି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଲୋକମାନଙ୍କ ମଧ୍ୟରେ ପୋଲିସ ପ୍ରଶାସନ ପ୍ରତି ଆସ୍ଥା ହରାଉଛନ୍ତି।