‘ରେଭେନ୍ସା ନାଁରେ ନାହିଁ ଇଞ୍ଚେ ବି ଜମି’

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟ ସରକାର ରେଭେଭନ୍ସା ଜମିକୁ ରେଭେନ୍ସା ନାଁରେ କରନ୍ତୁ ବୋଲି ଦାବି କରିଛି ବିଜେପି । ଓଡିଆ ଜାତିର ବୌଦ୍ଧିକ ବିକାଶର ମେରୁଦଣ୍ଡ ତଥା ରେଭେନ୍ସା ବିଶ୍ୱ ବିଦ୍ୟାଳୟ ନାଁରେ ଇଞ୍ଚହେଲେ ଜମି ନାହିଁ । ଚେଲା ଚମାଣ୍ଡାଙ୍କ ଲାଗି ହୋଟେଲ କରିବାକୁ ସଂପୂର୍ଣ୍ଣ ମାଲିକାନାରେ ଜମି ଦିଆଯାଇଛି ।

ନରାଜ ପାଖରେ ଦ୍ୱିତୀୟ କମ୍ପାସ ଲାଗି ସରକାର ଦେଇଥିବା ୧୨୭ ଏକର ଜମିକୁ ମାଲିକାନାରେ ନ ଦେଇ ଲିଜରେ ଦେଇଛନ୍ତି । ରେଭେନ୍ସା ଜମିରେ ଲିଜ ଅର୍ଥ ଦେଇ ନପାରିବାରୁ ଏବେ ଉଚ୍ଚଶିକ୍ଷା ବିଭାଗ ନାଁରେ କରିବାକୁ ମସୁଧା ହେଉଛି । ବେଦାନ୍ତ ବିଶ୍ୱ ବିଦ୍ୟାଳୟ ଲାଗି ଜମି ଅଛି,ହେଲେ ରେଭେନ୍ସା ଲାଗି ଜମି ନାହିଁ । ରେଭେନ୍ସାକୁ ଜମି ସ୍ୱତନ୍ତ୍ର ଭାବେ ଦିଆଯାଉ ବୋଲି ଦାବି କଲା ବିଜେପି ଏବଂ ରେଭେନ୍ସା ସିଣ୍ଡିକେଟରେ ଯେଉଁ ପ୍ରସ୍ତାବ ପାରିତ ହୋଇଛି ତାକୁ ବାତିଲ କରାଯାଉ ।