ଭାରତରେ ହେବ ଜଳ ସଙ୍କଟ

ଭୁବନେଶ୍ୱର (ବଡ଼ ଖବର ବ୍ୟୁରୋ):  ଆଗକୁ ମିଳିବ ନାହିଁ ଜଳ । ଆଗାମୀ ପିଢି ପାଇଁ ଦେଖା ଯିବ ଘୋର ଜଳ ସଙ୍କଟ । ମାର୍ଚ୍ଚ ୨୨ ଥିଲା ବିଶ୍ୱ ଜଳ ଦିବସ । ଏହି ଦବସ ଅବସରରେ ଆସିଥିବା ଜଳ ସମ୍ବନ୍ଧୀୟ ତଥ୍ୟ ବାସ୍ତବିକ ଉଦବେଗଜନକ । ପୃଥିବୀର ୭୧ ପ୍ରତିଶତ ଅଂଶରେ ଜଳ ମହଜୁଦ ଅଛି । କିନ୍ତୁ ସେଥିରୁ ୩୩ ପ୍ରତିଶତ ମାତ୍ର ପିଇବା ଯୋଗ୍ୟ । ଅନେକ ଜାଗାରେ ଆଜିବି ଲୋକେ ପିଇବା ପାଣି ପାଇଁ ହନ୍ତସନ୍ତ ହେଉଛନ୍ତି । ପାନୀୟ ଜଳ ଧିରେ ଧିରେ କିମ ଯାଉଥିବାରୁ ଆଗାମି ପିଢି ପାଇଁ ଜଳ ମହାସଙ୍କଟ ଛିଡ଼ା ହେବା ବୋଲି ବିଶେଷଜ୍ଞମାନେ ମତବ୍ୟକ୍ତ କରିଛନ୍ତି ।

ଦେଖିବାକୁ ଗଲେ ଲୋକମାନେ ପାନୀୟ ଜଳର ଅପବ୍ୟବହାର କରୁଛନ୍ତି । କେଉଁଠି ଘଣ୍ଟା ଘଣ୍ଟା ଧରି ପାଣି ଟ୍ୟାପ ଖୋଲା ରହୁଛି ତ ଆଉ କେଉଁଠି ଗାଧୋଇବା ପାଇଁ ବାଲଟି ବାଲଟି ପାଣି ବ୍ୟବହାର କରୁଛନ୍ତି । ଯାନବାହାନ ଧୋଇବାରେ ମଧ୍ୟ ପାଣି ନଷ୍ଟ ହେଉଛି । ଯଦି ଏହି ଭଳି ଭାବେ ପାଣି ନଷ୍ଟ କରାଯିବ ଆଗାମୀ ପିଢି ଜଳ ଦେଖିବା କଷ୍ଟକର ହୋଇଯିବ । ବିଶେଷଜ୍ଞଙ୍କ ମତରେ ୧୯୪୭ ପର ଠାରୁ ମୁଣ୍ଡ ପିଛା ଜଳ ଉପଲବ୍ଧତାରେ ୭୫ ପ୍ରତିଶତ ହ୍ରାସ ଘଟିଛି । ଯଦି ପାଣି ନଷ୍ଟ କରିବା ଏବେ ଠାରୁ ରୋକା ନଯାଏ ପରିସ୍ଥିତି ଅଣାୟତ ହୋଇପଡ଼ିବ ।