ପିଲାଙ୍କ ଟିକାକରଣ କଥା ଏବେଠୁ ଚିନ୍ତାକର: ସୁପ୍ରିମ କୋର୍ଟ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଏବେ ଭାରତରେ ଚାଲିଛି କରୋନାର ଦ୍ୱିତୀୟ ଲହର । ଦ୍ୱିତୀୟ ଲହର ଶୀର୍ଷ ଛୁଇଁବାକୁ ବାକି ଅଛି, କିନ୍ତୁ କନ୍ଦେଇ ସାରିଲାଣି । ପ୍ରତିଦିନ ହଜାର ହଜାର ଲୋକ ଆକ୍ରାନ୍ତ ହେଉଥିବା ବେଳେ ଶହ ଶହ ଲୋକଙ୍କ ମୃତ୍ୟୁ ହେଉଛି । ସମଗ୍ର ଦେଶରେ ଜରୁରୀକାଳିନ ପରିସ୍ଥିତି ଭଳି ସ୍ଥିତି ଲାଗିରହିଛି । ସବୁ ସରକାରୀ ଡାକ୍ତରଖାନାରେ କରୋନା ଆକ୍ରାନ୍ତଙ୍କୁ ସ୍ୱାସ୍ଥ୍ରସେବା ଯୋଗାଇବା ସମ୍ଭବ ହେଉନାହିଁ ।
ପୁଣି ଆସୁଛି କରୋନାର ତୃତୀୟ ଲହରା ତୃତୀୟ ଲହର ମୁକାବିଲା ପାଇଁ ସତର୍କ ଓ ପ୍ରସ୍ତୁତ ରହିବାକୁ କେନ୍ଦ୍ର ସରକାରଙ୍କୁ ସୁପ୍ରିମ୍ କୋର୍ଟ ନିର୍ଦେଶ ଦେଇଛନ୍ତି । ତୃତୀୟ ଲହରରେ ଛୋଟ ପିଲାମାନେ ଅଧିକ ପ୍ରଭାବିତ ହେବାର ଆଶଙ୍କା ରହିଛି । ଏହା ବିଶେଷଜ୍ଞମାନେ ଆଗୁଆ ସୂଚନା ଦେଇସାରିଲେଣି । ପିଲାଙ୍କ ଟିକାକରଣ ପାଇଁ ଏବେଠୁ ଚିନ୍ତା କରିବାକୁ ଦେଶର ସର୍ବୋଚ୍ଚ ଅଦାଲତ କେନ୍ଦ୍ର ସରକାରଙ୍କୁ ପରାମର୍ଶ ଦେଇଛନ୍ତି । ତୁରନ୍ତ ହସ୍ପିଟାଲ୍ଗୁଡ଼ିକୁ ଅକ୍ସିଜେନ ଯୋଗାଇ ଦେବାକୁ ମଧ୍ୟ ଶୀର୍ଷ ଅଦାଲତ ନିର୍ଦ୍ଦେଶ ଦେଇଛନ୍ତି ।