ଆଜି ୧୨ଟି ବିକାଶମୂଳକ ପ୍ରକଳ୍ପ ଉଦଘାଟନ କରିବେ ଯୋଗୀ

ଗୋରଖପୁର(ବଡ଼ ଖବର ବ୍ୟୁରୋ): ଉତ୍ତରପ୍ରଦେଶରେ ଆଉ କିଛି ଦିନ ପରେ ନିର୍ବାଚନ ହେବାକୁ ଯାଉଛି । ଏନେଇ ସମସ୍ତ ରାଜନୈତିକ ଦଳ ଚଳଚଞ୍ଚଳ ହୋଇ ଉଠିଛନ୍ତି । କିଏ ମହିଳାମାନଙ୍କୁ ନେଇ ରାଜନୀତି କରୁଛି ତ ଆଉ କିଏ ବିକାଶମୂଳକ କାମ କରି । ଏହା ମଧ୍ୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ୨୮୦ କୋଟି ଟଙ୍କା ବ୍ୟୟରେ ନିର୍ମିତ ହେବାକୁ ଥିବା ଏକ ସରକାରୀ ମେଡିକାଲ କଲେଜର ମୂଳଦୁଆ ପକାଇବାର କଥା ସାମ୍ନାକୁ ଆସିଛି । କେବଳ ଏତିକି ନୁହେଁ ବରଂ ୧୦୯ କୋଟି ଟଙ୍କା ମୂଲ୍ୟର ୧୨ ଟି ବିକାଶମୂଳକ ଯୋଜନାର ମଧ୍ୟ ଭିତ୍ତିପ୍ରସ୍ତର ସ୍ଥାପନ କରିବେ ବୋଲି ସୂଚନା ମିଳିଛି । ସେପଟେ ସକାକାରୀ ମେଡିକାଲ କଲେଜରେ ପାଞ୍ଚଶହ ଶଯ୍ୟା ବିଶିଷ୍ଟ ଡାକ୍ତରଖାନା, ଲାଇବ୍ରେରୀ, ବହୁମୁଖୀ ହଲ ଏବଂ ଜିମ ଆଦି ନିର୍ମାଣ ହେବ ।

କେବଳ ଏତିକି ନୁହେଁ ବରଂ ୨୦୨୨-୨୩ ଏକାଡେମିକ ଅଧିବେଶନରୁ ଏମବିବିଏସର ୧୦୦ ଟି ସିଟ ଆଡମିଶନ ବ୍ୟତୀତ ନିର୍ମାଣ କାର୍ଯ୍ୟ ଅନ୍ତର୍ଭୂକ୍ତ କରାଯାଇଛି । ତେବେ କାକୋର ମୁଖ୍ୟାଳୟରେ ଅବସ୍ଥିତ ତିରଙ୍ଗା ମଇଦାନରେ ଆୟୋଜିତ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ରାଜ୍ୟ କୃଷିମନ୍ତ୍ରୀ ଲଖନ ସିଂହ ରାଜପୁତ, ସାଂସଦ ଡକ୍ଟର ରାମଶଙ୍କର କ୍ୟାଥେରିଆ, ସାଂସଦ ସୁବ୍ରତ ପାଠକ, ରାଜ୍ୟସଭା ସାଂସଦ ଗୀତା ଶାକିଆ, ବିଧାୟକ ବିନୟ ଶାକିଅ।। ମଧ୍ୟ ଯୋଗଦେବେ ବୋଲି ସୂଚନା ମିଳିଛି ।