କେରଳରେ ଘୋଷଣା ହେଲା ସମ୍ପୂର୍ଣ୍ଣ ଲକଡାଉନ
କୋଚି(ବଡ଼ ଖବର ବ୍ୟୁରୋ): ବଢ଼ୁଥିବା ସଂକ୍ରମଣକୁ ଦୃଷ୍ଟିରେ ରଖି କେରଳରେ ଘୋଷଣା ହେଲା ସମ୍ପୂର୍ଣ୍ଣ ଲକଡାଉନ । ମେ ୮ରୁ ୧୬ ତାରିଖ ପର୍ଯ୍ୟନ୍ତ ଏହି ଲକଡାଉନ ବଳବତ୍ତର ରହିବ । ଏନେଇ ଆଜି ଟ୍ୱିଟ କରି କେରଳ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସୂଚନା ଦେଇଛି । କରୋନାର ଦ୍ୱିତୀୟ ଲହରରେ ଦ୍ରୁତ ସଂକ୍ରମଣ ଘଟୁତିବାରୁ ଏପରି କରାଯାଇଥିବା କୁହାଯାଇଛି । ତେବେ ବୁଧବାର ରାଜ୍ୟରେ ସର୍ବାଧିକ ସଂକ୍ରମଣ ୪୧ହଜାରରୁ ଅଧିକ ହେବାରୁ ସରକାରଙ୍କ ଚିନ୍ତା ବଢ଼ିଥିଲା । ଏହାର ସମୀକ୍ଷା କରିବା ପରେ ରାଜ୍ୟରେ ସମ୍ପୂର୍ଣ୍ଣ ଲକଡାଉନ ଜାରି କରାଯାଇଛି ।
ସେହିପରି ବିଭିନ୍ନ ଅଞ୍ଚଳରୁ ଡାକ୍ତରୀ ଛାତ୍ରଛାତ୍ରୀଙ୍କୁ ଆଣି ରାଜ୍ୟର ୱାର୍ଡ଼ ସ୍ତରୀୟ କମିଟି ଏବଂ ରାପିଡ଼ ରେସପନସ ଟିମକୁ ସଦୃଢ଼ କରିବାକୁ ନିର୍ଦ୍ଦେଶ ଦିଆଯିବ ବୋଲି ପୂର୍ବରୁ ମୁଖ୍ୟମନ୍ତ୍ରୀ ପିନରାୟି ବିଜୟନ ପୂର୍ବରୁ କହିଥିଲେ । ଏହାଛନା କେରଳରେ ସଂକ୍ରମଣକୁ ରୋକିବାକୁ କଡ଼ା ପଦକ୍ଷେପ ନିଆଯିବ ବୋଲି ମଧ୍ୟ କହିଛନ୍ତି କେରଳ ମୁଖ୍ୟମନ୍ତ୍ରୀ ପିନରାୟି ବିଜୟନ ।