ଶ୍ଵାସରୁଦ୍ଧ ହୋଇ ପାଇଖାନା ଟାଙ୍କିରେ ଗଲା ୩ ପ୍ରାଣ
ରାୟଗଡ଼ା(ବଡ଼ ଖବର ବ୍ୟୁରୋ): ରାୟଗଡ଼ା ଜିଲ୍ଲା ଟିକିରି ଥାନା ଅନ୍ତର୍ଗତ ପଞ୍ଚାଳି ଗ୍ରାମରେ ଅଭାବନୀୟ ଘଟଣା। ନିର୍ମାଣଧୀନ ପାଇଖାନା ଟାଙ୍କିରେ ଶ୍ଵାସରୁଦ୍ଧ ହୋଇ ୩ଜଣଙ୍କ ମୃତ୍ୟୁ। ଜଣେ ଗୁରୁତର ଅବସ୍ଥାରେ ଟିକିରି ସ୍ବାସ୍ଥକେନ୍ଦ୍ରରେ ଚିକିତ୍ସିତ ହେଉଛନ୍ତି। ମୃତ ବ୍ୟକ୍ତି ଗୋବିନ୍ଦ କୁମ୍ଭାର ଏବଂ ସୀମା ମାଝି ହୋଇଥିବା ବେଳେ ଅନ୍ୟ ଜଣଙ୍କର ପରିଚୟ ମିଳିପାରି ନାହିଁ। ପଞ୍ଚାଳି ଗ୍ରାମର ଜଣେ ବ୍ୟକ୍ତିଙ୍କ ଘରେ ନୂଆ ପାଇଖାନା ଟାଙ୍କି ନିର୍ମାଣ କରିଆସୁଥିଲେ । ଆଜି ସ୍ଲାବ ଫଲସ ଛଡ଼ାଇବା କାମ ଚାଲୁରହିଥିଲା ।
ଅପରାହ୍ନ ପ୍ରାୟ ୩ ଟା ପରେ କୌଣସି ପ୍ରକାର ଭିତରେ କାମ କରୁଥିବା ଉକ୍ତ ୩ଜଣ ବହୁ ସମୟ ଧରି ଟାଙ୍କି ମଧ୍ୟରୁ ଆଉ ଉପରକୁ ଆସୁ ନଥିବା ଦେଖି ୪ର୍ଥ ବ୍ୟକ୍ତି ପଞ୍ଚାଳି ଗ୍ରାମର ରାଜା ରାଓ ଟାଙ୍କି ଭିତରକୁ ଯିବା ପାଇଁ ଚଷ୍ଟା କରିଥିଲେ। କିନ୍ତୁ ଅମ୍ଳଜାନ ଅଭାବ ଫଳରେ ଅଚେତ ହୋଇପଡିଥିଲେ। କାଶୀପୁର ଦମକଳ ବାହିନୀ ଆସି ୪ ଜଣଙ୍କୁ ଉଦ୍ଧାର କରିବା ପରେ ଟିକିରି ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ତେବେ ଡାକ୍ତର ସେଠାରେ ୩ଜଣଙ୍କୁ ମୃତ ଘୋଷଣା କରିଥିବା ବେଳେ ଜଣଙ୍କର ସ୍ଵାସ୍ଥ୍ୟବସ୍ଥା ସଙ୍କଟାପନ୍ନ ଅଛି।