ପୁରୀ ବେଳାଭୂମିରେ ଭାସିଗଲେ ୩ ପର୍ଯ୍ୟଟକ

ପୁରୀ(ବଡ଼ ଖବର ବ୍ୟୁରୋ):  ପୁରୀ ଲାଇଟ ହାଉସ ବେଳାଭୂମିରେ ଭାସିଗଲେ ୩ ପର୍ଯ୍ୟଟକ । ସେମାନଙ୍କ ଭିତରୁ ଦୁଇ ଜଣ ଉଦ୍ଧାର କରାଯାଇ ପୁରୀ ମେଡିକାଲରେ ଭର୍ତ୍ତି କରାଯାଇଛି । ଏବେ ସୁଦ୍ଧା ଜଣଙ୍କ ପତ୍ତା ମିଳି ନାହିଁ । ଭଦ୍ରକ ଜିଲ୍ଲାର ରାହେଶ କୁମାର ସିଂ, ଅନୁଗୋଳର ଓମ ପ୍ରକାଶ ପ୍ରକାଶ ଯାଦବ ଓ ସହିଦ ଅନୱର ପୁରୀ ଯାଇଥିଲେ । ସେମାନେ ଲାଇଟ ହାଉସ ବେଳାଭୂମିରେ ଗାଧୋଉଥିଲେ ।

ଏହି ସମୟରେ ଅସିଥିବା ବଡ ଲହଡିରେ ସେମାନେ ଭାସିଯାଇଥିଲେ । ଚିତ୍କାର ଶୁଣି ଲାଇଫଗାର୍ଡ ସେମାନଙ୍କୁ ଉଦ୍ଧାର କରିବା ପାଇଁ ଯାଇଥିଲେ । ଭାସିଯାଇଥିବା ୩ ଜଣଙ୍କ ଭିତରୁ ରାହେଶ କୁମାର ସିଂ ଓ ଓମ ପ୍ରକାଶ ଯାଦବଙ୍କୁ ଉଦ୍ଧାର କରି ସମୁଦ୍ର କୂଳ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୋଇପଡିବାରୁ ତାଙ୍କୁ ପୁରୀ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଏବେ ମଧ୍ୟ ନିଖୋଜ ଅଛନ୍ତି ଅନୱର । ଲାଇଫଗାର୍ଡ ଉଦ୍ଧାର କାର୍ଯ୍ୟ ଜାରି ରଖିଛି । ସୂଚନା ଅନୁଯାୟୀ ପ୍ରତିଦିନ ଶ୍ରୀକ୍ଷେତ୍ରକୁ ହଜାର ହଜାର ପର୍ଯ୍ୟଟକ ଆସୁଛନ୍ତି । ବେଳାଭୂମିରେ ବୁଡ ମଧ୍ୟ ପକାଉଛନ୍ତି । ହେଲେ ସାମାନ୍ୟ ଅସାବଧାନତା ହେତୁ ଏଭଳି କିଛି ଘଟଣା ଘଟି ଯାଉଛି ।