ବିଜେଡିରେ ମିଶିଲେ ୭୦ରୁ ଉର୍ଦ୍ଧ୍ବ ପରିବାର

ତିର୍ତ୍ତୋଲ (ବଡ଼ ଖବର ବ୍ୟୁରୋ):ଆଗକୁ ଆସୁଛି ସାଧାରଣ ନିର୍ବାଚନ।ଏବେଠୁ ଆରମ୍ଭ ହେଲାଣି ରାଜନୈତୀକ କସରତ। କଂଗ୍ରେସ ଓ ବିଜେପି ଛାଡି ବିଜେଡିରେ ମିଶିଲେ ୭୦ରୁ ଉର୍ଦ୍ଧ୍ବ ପରିବାର । ଏଭଳି ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ପାରାଦ୍ୱୀପ ନିର୍ବାଚନ ମଣ୍ଡଳୀ ସାମନ୍ତରାପୁରରେ । ପାରାଦୀପ ନିର୍ବାଚନ ମଣ୍ଡଳୀ ସାମନ୍ତରାପୁର ପଞ୍ଚାୟତ ଗାଣ୍ଡପୁର ମା’ସାହାଡା ସୁନ୍ଦରୀଙ୍କ ପୀଠରେ ଶାସକ ବିଜୁଜନତା ଦଳ ପକ୍ଷରୁ ଏକ କର୍ମୀ ସମ୍ମିଳନୀ ଓ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା।

ବିଜେଡି ନେତା ସୂର୍ୟ୍ୟ ନାରାୟଣ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମାବେଶରେ ପାରାଦ୍ୱୀପ ବିଧାୟକ ସମ୍ବିତ ରାଉତରାୟ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସ୍ଥାନୀୟ ସରପଞ୍ଚ ମଧୁସ୍ମିତା ବେହେରା, ତିର୍ତ୍ତୋଲ ବ୍ଲକ ଅଧ୍ୟକ୍ଷ ମନୋଜ କୁମାର ବେହେରାଙ୍କ ସମେତ ବିଶିଷ୍ଟ ବ୍ୟକ୍ତିମାନେ ମଧ୍ୟ ଯୋଗଦେଇଥିଲେ । ବିଜେଡିର ଏହି କର୍ମୀ ସମାବେଶରେ ସାମନ୍ତରାପୁର ପଞ୍ଚାୟତର ଶତାଧିକ କର୍ମୀ ଯୋଗଦେଇଥିବା ବେଳେ କଂଗ୍ରେସ ଓ ବିଜେପି ଦଳ ଛାଡି ୭୦ରୁ ଉର୍ଦ୍ଧ୍ବ କର୍ମୀ ବିଜେଡିରେ ମିଶିଥିଲେ।