![](https://i0.wp.com/badakhabar.in/wp-content/uploads/2020/12/gggg.jpg?fit=750%2C400&ssl=1)
ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ବସିବ ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସିଂ ଜରିଆରେ ଅଧ୍ୟକ୍ଷତା କରିବେ । ସନ୍ଧ୍ୟା ୬ଟା ୪୫ରେ ଏହି ବୈଠକ ବସିବ । ବୈଠକରେ ୧୦ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ ଆଲୋଚନା ହୋଇପାରେ । ହଜାରେ କୋଟିରୁ ଅଧିକ ବ୍ୟୟ ଅଟକଳରେ ଫୁଲବାଣୀ ଓ କୋଟାପୁଟ ମେଡିକାଲ କଲେଜ ବିଲ୍ଡିଂ ନିର୍ମାଣ ପାଇଁ ଆହ୍ୱାନ ହୋଇଥିବା ଟେଣ୍ଡରକୁ କ୍ୟାବିନେଟର ଅନୁମୋଦନ ନିଆଯିବ । ସେହିପରି ବରଗଡ ଜିଲ୍ଲାର ଗାଏସିଲାଟ ଓ ଅତାବିରାରେ ୨ଟି ପାନୀୟ ପ୍ରକଳ୍ପ ପାଇଁ ଟେଣ୍ଡର, ଗୃହ, ସାଧାରଣ ପ୍ରଶାସନ ବିଭାଗ ଓ ଜଳସମ୍ପଦ ବିଭାଗର କର୍ମଚାରୀଙ୍କ ଚାକିରୀ ସର୍ତାବଳୀ ନେଇ ଆସିବ ବୋଲି ଜଣାପଡିଛି ।