ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କେନ୍ଦ୍ର ଗୃହମନ୍ତ୍ରୀ ଅମିତ ଶାହ ରବିବାର ପୁନେରେ ଏନସିପି ନେତା ଅଜିତ ପାୱାରଙ୍କ ବିଷୟରେ ଏକ ବଡ଼ ବୟାନ ଦେଇଛନ୍ତି । ସେ କହିଛନ୍ତି ଅଜିତ ବହୁତ ବିଳମ୍ବରେ ଏଠାକୁ ଆସିଛନ୍ତି । କିନ୍ତୁ ତାଙ୍କ ପାଇଁ ଏହି ସ୍ଥାନ ଠିକ୍ ଅଟେ। ଅଜିତ ପାୱାର ଗତ ମାସରେ ବିଜେପି ଏବଂ ସିଏମ ଏକନାଥ ସିନ୍ଦେଙ୍କ ଶିବସେନାରେ ଯୋଗ ଦେଇ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ର ଅଂଶ ହୋଇଥିଲେ। ସୂଚନା ଅନୁସାର ଅମିତ ଶାହ ଆଜି ପୁଣେ ଗସ୍ତରେ ଥିବାବେଳେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ସେ ଅଜିତ ପାୱାରଙ୍କ ବିଷୟରେ ଏହା କହିଛନ୍ତି।
ଅମିତ ଶାହା କହିଛନ୍ତି, ‘ମୁଁ ପ୍ରଥମ ଥର ପାଇଁ ଅଜିତ ପାୱାରଙ୍କ ସହ ମଞ୍ଚରେ ବସିଛି। ଅଜିତ ପାୱାର ବର୍ତ୍ତମାନ ଯୋଗ୍ୟ ଏବଂ ସଠିକ୍ ସ୍ଥାନରେ ବସିଛନ୍ତି। ସେ ଆହୁରି ମଧ୍ୟ କହିଛନ୍ତି ଅଜିତ ପାୱାର ଏହି ଜାଗାକୁ ଆସିବ ପାଇଁ ବହୁତ ସମୟ ଲଗାଇଦେଲେ । ଏହି କାର୍ଯ୍ୟକ୍ରମରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଡେପୁଟି ସିଏମ୍ ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାୱାର ମଧ୍ୟ ଉପସ୍ଥିତ ଥିଲେ।
