ଟ୍ରେନ ଦୁର୍ଘଟଣାରେ ଚାଲିଗଲା ୩୬ ଜୀବନ

ତାଇୱାନ (ବଡ଼ ଖବର): ତାଇୱାନରେ ଏକ ହାଇସ୍ପିଡ ଟ୍ରେନ ଟନେଲ ଭିତରକୁ ଖସିପଡିଛି । ଏହି ଦୁର୍ଘଟଣାରେ ପ୍ରାୟତ ୩୬ଜଣ ପ୍ରାଣ ହରାଇଥିବା ବେଳେ ୭୦ରୁ ଉଦ୍ଧ୍ୱର୍ ଆହତ ହୋଇଛନ୍ତି । ଏବେବି ଅନେକ ଟନେଲରେ ଫସି ରହିଛନ୍ତି, ତେବେ ମୃତାହତଙ୍କ ସଂଖ୍ୟା ଆହୁରି ବଢିପାରେ ବୋଲି ଆଶଙ୍କା କରାଯାଉଛି ।

ବୁଧବାର ତାଇୱାନର ଏକ ଟ୍ରେନ ୩୫୦ଲୋକଙ୍କୁ ଧରି ତାଇତୁଙ୍ଗ ଅଭିମୁଖେ ଯାତ୍ରା କରିଥିଲା । ପୂର୍ବରୁ ଟନେଲରେ ଠିଆ ହୋଇଥିବା ଏକ ଟ୍ରକକୁ ଯାଇଁ ଟ୍ରେନଟି ଧକ୍କା ଦେଇଥିଲା । ସପ୍ତାହର ଶେଷ ଛୁଟି ସହିତ ତାଇୱାନରେ କବର ସୁଇପିଂ ଡେ ଆରମ୍ଭ ହୋଇଯାଇଛି । ସେଥିପାଇଁ ଲୋକମାନେ ପର୍ଯ୍ୟଟନ ସ୍ଥଳ ଗୁଡିକୁ ବୁଲିବାକୁ ଯାଉଛନ୍ତି । ଦୁର୍ଘଟଣା ଘଟିଥିବା ଟନେଲଟି ଏକ ପର୍ଯ୍ୟଟନ ସ୍ଥଳୀ ଥିଲା । ତେବେ ଏହି ଦୁର୍ଘଟଣାଟି ତାଇୱାନର ଗତ ୪ ଦଶନ୍ଧିର ସବୁଠୁ ବଡ଼ ଦୁର୍ଘଟଣା ।