ପୂର୍ବତନ ବ୍ଲକ ଉପାଧ୍ୟକ୍ଷଙ୍କୁ ଆକ୍ରମଣ

ସତ୍ୟଵାଦୀ (ବଡ଼ ଖବର ବ୍ୟୁରୋ): ପୂର୍ବତନ ବ୍ଲକ ଉପାଧ୍ୟକ୍ଷଙ୍କୁ ଆକ୍ରମଣ । ଗୋଡ଼ାଇ ଗୋଡ଼ାଇ ପିଟିଲେ ଗ୍ରାମବାସୀ । ସତ୍ୟଵାଦୀ ସାଣ୍ଢରା ପଂଚାୟତ ରେ ଗ୍ରାମ ସଭା ଚାଲିଥିବା ବେଳେ ତାତିଲେ ପଂଚାୟତବାସୀ । ପ୍ରଧାନମନ୍ତ୍ରୀ ଆବାସ ଯୋଜନ ଦୁର୍ନୀତିରେ ଲିପ୍ତ ଥିବା ପୂର୍ବତନ ବ୍ଲକ ଉପାଧକ୍ଷ ବିକ୍ରମ ଜେନା ଙ୍କୁ ଆକ୍ରମଣ କରିଛନ୍ତି । ଶୁକ୍ରବାର ସାଣ୍ଡରା ପଂଚାୟତରେ ଗ୍ରାମସଭା ଚାଲିଥିଲା,ସଭାରେ ଉପସ୍ଥିତ ଥିଲେ ବର୍ତ୍ତମାନ ର ବ୍ଲକ ଅଧକ୍ଷ ସୁନୀଲ କୁମାର ପଣ୍ଡା,ସତ୍ୟଵାଦୀ ବ୍ଲକ ମଣ୍ଡଳ ଉନ୍ନୟନ ଅଧିକାରୀ ଲୋଚନ ଦାସ ।

ଗ୍ରାମ ସଭାରେ ପାଖପାଖି ୩୦୦ ରୁ ଉର୍ଦ୍ଧ ଲୋକ ଉପସ୍ଥିତ ଥିଲେ।ଏହି ସଭାରେ ସରପଞ୍ଚ ଓ ସ୍ଥାନୀୟ ବାସିନ୍ଦା କହିଥିଲେ ଯେ, ପ୍ରକୃତ ଘର ଯିଏ ପାଇବା କଥା ସେମାନେ ପ୍ରଧାନମନ୍ତ୍ରୀ ଆବାସ ଯୋଜନାରୁ ବଞ୍ଚିତ ନ ହୁଅନ୍ତୁ । ଏହି କଥାକୁ ବିକ୍ରମ ଜେନା ବିରୋଧ କରିଥିଲେ । ଯାହାକୁ ନେଇ ଗ୍ରାମବାସୀ ଓ ବିକ୍ରମ ଜେନାଙ୍କ ମଧ୍ୟରେ କଥା କଟାକାଟି ହୋଇଥିଲା । ତାପରେ ଏହା ଉଗ୍ର ରୂପ ନେଇଥିଲା । ଗ୍ରାମବାସୀ ଏକାଠି ହୋଇ ବିକ୍ରମ ଜେନା ଙ୍କୁ ନିସ୍ତୁକ ମାଡ଼ ମାରିଥିଲେ । ଯାହା ଫଳରେରେ ସାକ୍ଷୀଗୋପାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି ହୋଇଥିଲେ।