ଫ୍ରାନ୍ସ ରାଷ୍ଟ୍ରପତିଙ୍କୁ କରୋନା

ଫ୍ରାନ୍ସ (ବଡ଼ ଖବର ବ୍ୟୁରୋ): ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ କରୋନା ସଂକ୍ରମିତ ହୋଇଛନ୍ତି । ରାଷ୍ଟ୍ରପତି ଭବନ ଏଲିସି ପ୍ୟାଲେସ୍ ପକ୍ଷରୁ ଆଜି ଏହି ସୂଚନା ଦିଆଯାଇଛି । ତାଙ୍କ ଶରୀରରେ ପ୍ରାଥମିକ ଲକ୍ଷଣ ଦେଖାଦେବାରୁ ସେ ନିଜର ନମୁନା ପରୀକ୍ଷା କରାଇଥିଲେ । ରିପୋର୍ଟ ପଜେଟିଭ ବାହାରିଛି । ସେ ବର୍ତ୍ତମାନ ଆଇସୋଲେସନରେ ଅଛନ୍ତି । ୭ ଦିନ ପାଇଁ ସେ ଘରେ ରହିବେ । ଘରେ ରହି ମଧ୍ୟ ମାକ୍ରନ ପୂର୍ବଭଳି ତାଙ୍କର ସମସ୍ତ କାର୍ଯ୍ୟ କରିବେ । ତେବେ ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନଙ୍କୁ ଚିହ୍ନଟ କରିବା ଓ ସେମାନଙ୍କ ନମୁନା ପରୀକ୍ଷା କରାଇବା ଲାଗି ପ୍ରକ୍ରିୟା ଆରମ୍ଭ ହୋଇଛି । ଗତ ସପ୍ତାହରେ ମାକ୍ରନ ୟୁରୋପିୟ ୟୁନିୟନର ଏକ ବୈଠକରେ ଯୋଗଦେଇଥିଲେ । ଚଳିତ ସପ୍ତାହରେ ପତ୍ତୃଗାଲର ପ୍ରଧାନମନ୍ତ୍ରୀଙ୍କୁ ମଧ୍ୟ ଭେଟିଥିଲେ ।