ଟିକାରେ ଏମିତି ରେକର୍ଡ, ମୃତକଙ୍କ ନାଁରେ ବି ଭ୍ୟାକସିନ !
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନରେ ଟିକାକରଣ ରେକର୍ଡ ସୃଷ୍ଟି କରିଛି। ସେପ୍ଟେମ୍ବର ୧୭ରେ ୨.୫ କୋଟିରୁ ଅଧିକ ଡୋଜ୍ର ଟିକା ଲୋକମାନଙ୍କୁ ଦିଆଯାଇଥିଲା। ଗୋଟିଏ ଦିନରେ ଏତେ ସଂଖ୍ୟକ ଟିକା କେବେ ହେଲେ କୌଣସି ଦେଶରେ ଦିଆ ଯାଇନଥିଲା। ମୋଦିଙ୍କ ଜନ୍ମଦିନରେ ଏପରି ସଫଳତା ହାସଲ କରିବା ପାଇଁ କେନ୍ଦ୍ର ଓ ରାଜ୍ୟମାନେ ସବୁ ପ୍ରକାରର ବ୍ୟବସ୍ଥା କରିଥିଲେ। କିନ୍ତୁ ରେକର୍ଡ ସଂଖ୍ୟକ ଟିକାକରଣର ପ୍ରକୃତ ସତ୍ୟତାକୁ ନେଇ ପ୍ରଶ୍ନ ଉଠିଛି।
କାରଣ ରେକର୍ଡ ସଂଖ୍ୟକ ଟିକାକରଣ ଦିନ ମୃତକମାନଙ୍କୁ ମଧ୍ୟ ଟିକାର ଡୋଜ୍ ଦିଆଯାଇଥିବା ସେମାନଙ୍କ ପରିବାର ଲୋକଙ୍କୁ ମେସେଜ ଆସିଛି। ସେହିପରି ଟିକାର ଦ୍ୱିତୀୟ ଡୋଜ୍ ନେଇ ନଥିବା ଅନେକ ଲୋକଙ୍କ ପାଖରୁ ସେପ୍ଟେମ୍ବର ୧୭ରେ ସେମାନେ ଟିକା ନେଇଥିବା ଏସଏମଏସ୍ ଆସିଛି।