ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ନୂଆ ଲୁକରେ ଟ୍ୱିଟର । ନୀଳ ପକ୍ଷୀ ବଦଳରେ ଦେଖିବାକୁ ମିଳିବ ଡଗିର ଫଟୋ । ବଦଳିଛି ଟ୍ୱିଟରର ଲୋଗୋ । ଟ୍ୱିଟର ମାଲିକ ଏଲନ୍ ମସ୍କ ଏ ନେଇ ଟ୍ୱିଟ୍ କରି ସୂଚନା ଦେଇଛନ୍ତି । ଗତକାଲି ରାତି ୧୨ଟା ୩୦ରେ ଏଲନ୍ ମସ୍କ ଏକ ଫଟୋ ଟ୍ୱିଟ୍ କରିଥିଲେ । ଯେଉଁଥିରେ ଏକ ଡଗି ଡ୍ରାଇଭର ସିଟରେ ବସିଛି ଓ ଟ୍ରାଫିକ୍ ପୋଲିସକୁ ନିଜର ଲାଇସେନ୍ସ ଦେଖାଉଛି । ଯାହା ପୂର୍ବରୁ ନୀଳ ପକ୍ଷର ଫଟୋ ରହିଥିଲା । ଏହା ପରେ ଡଗି ଟ୍ରାଫିକ୍ ପୋଲିକୁ କହୁଛି, ଏହା ପୁରୁଣା ଫଟୋ । ଏହା ପରେ ଆଉ ଏକ ଟ୍ୱିଟ୍ କରି ଟ୍ୱିଟରର ନୂଆ ଲୋଗୋ ଆସିଥିବା ନେଇ ସୂଚନା ଦେଇଥିଲେ ଏଲନ୍ ମସ୍କ ।
