ମନୀଷଙ୍କ ମୃତ୍ୟୁ ମାମଲାରେ ୨ ଯୁବକଙ୍କ ଆତ୍ମସମର୍ପଣ
ଭୁବନେଶ୍ୱର(ବଡ଼ ଖବର ବ୍ୟୁରୋ): ବରିଷ୍ଠ ସାମ୍ବାଦିକ ନବୀନ ଦାସଙ୍କ ପୁଅ ମନୀଷ ଅନୁରାଗଙ୍କ ମୃତ୍ୟୁ ମାମଲା । ମନୀଷଙ୍କ ମୃତ୍ୟୁ ଘଟଣାରେ ପୋଲିସ ଖୋଳତାଡ କରିବା ଜାରି ରଖିଛି । ଏହି ମାମଲାରେ ପୋଲିସ ୫ ଜଣଙ୍କୁ ପଚରାଉଚରା କରୁଛି । ତେବେ ସେମାନଙ୍କ ମଧ୍ୟରୁ ଭୁବନେଶ୍ୱରର ୨ ଜଣ ଥିବା ବେଳେ କନ୍ଧମାଳର ୩ ଜଣ ଅଛନ୍ତି । ଭୁବନେଶ୍ୱର ୨ ଜଣଙ୍କୁ ପୋଲିସ ଅଟକ ରଖି ପଚରାଉଚରା କରୁଥିବା ବେଳେ କନ୍ଧମାଳ ଜିଲ୍ଲାର ଜଣେ ଯୁବକଙ୍କୁ ଅଟକ ରଖି ପଚରାଉଚରା ଜାରି ରଖିଛି ପୋଲିସ ।
ଏହି ଘଟଣାରେ ଆଜି ଫୁଲବାଣୀ ଟାଉନ ଥାନାରେ ୨ ଜଣ ଆତ୍ମସମର୍ପଣ କରିଛନ୍ତି । ସେମାନଙ୍କୁ ପୋଲିସ ପଚରାଉଚରା କରୁଥିବା ବେଳେ ଉଭୟଙ୍କୁ ଆଣିବାକୁ ଭୁବନେଶ୍ୱରର ଏକ ଟିମ ଯାଇଥିବା ଜଣାପଡିଛି । ଏ ନେଇ କନ୍ଧମାଳ ଏସଡିପିଓ କହିଛନ୍ତି, ଭୁବନେଶ୍ୱରରୁ ଏକ ଟିମ ଆସି ଗତକାଲି ଜଣେ ଯୁବକଙ୍କୁ ନେଇ ଯାଇଛନ୍ତି । ଆଉ ୨ ଜଣଙ୍କୁ ସେମାନେ ଖୋଜାଖୋଜି କରଥିବା ବେଳେ ସେମାନେ ଆଜି ସକାଳେ ଆତ୍ମସମର୍ପଣ କରିଛନ୍ତି ।
ଭୁବନେଶ୍ୱରରୁ ଏକ ଟିମ ସେମାନଙ୍କୁ ପଚରାଉଚରା କରିବାକୁ ଆସୁଛି । ସୂଚନା ଅନୁସାରେ, ଶନିବାର ବିଳମ୍ବିତ ରାତିରେ ମନୀଷ ପାତ୍ରପଡାସ୍ଥିତ ହୋଚେଲ ସାଉଥ୍ ସିଚିକୁ ଯାଇଥିଲେ । ଏହି ସମୟର ଭିଡିଓ ଏବେ ସାମ୍ନାକୁ ଆସିଛି । ଏହି ସବୁ ଘଟଣା ପରେ ମନୀଷଙ୍କ ମୃତଦେହ ପାତ୍ରପଡାର ଏକ ପୋଖରୀରୁ ମିଳିଥିଲା । ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡିଥିଲା ଯେ ମନୀଷଙ୍କ ମୃତ୍ୟୁ ଶ୍ୱାସରୁଦ୍ଧ କାରଣରୁ ହୋଇଥିଲା । ମନୀଷଙ୍କ ଶରୀରରେ ବାହାରକୁ ଦେଖାଗଲା ଭଳି କୌଣସି କ୍ଷତଚିହ୍ନ ନାହିଁ । ତେବେ ମନୀଷ କିଭଳି ଶ୍ୱାସରୁଦ୍ଧ ହେଲା ତାକୁ ନେଇ ଅନେକ ପ୍ରଶ୍ନ ସାମ୍ନାକୁ ଆସୁଛି ।