ଉତ୍ତରାଖଣ୍ଡ ରାଜ୍ୟପାଳ ଦେଲେ ଇସ୍ତଫା
ଡ଼େରାଡ଼ୁନ(ବଡ଼ ଖବର ବ୍ୟୁରୋ): ଉତ୍ତରାଖଣ୍ଡ ରାଜ୍ୟପାଳ ବେବି ରାଣି ମୌର୍ଯ୍ୟ ଇସ୍ତଫା ଘୋଷଣା କରିଛନ୍ତି । ଏଖବର ସାମ୍ନାକୁ ଆସିବା ପରେ ସାରା ଦେଶର ରାଜନୈତିକ ମାହଲ ବେଶ ସରଗରମ ହୋଇ ଉଠିଥିଲା । ତାଙ୍କର ଇସ୍ତଫା ପତ୍ରକୁ ଅନୁମୋଦନ ପାଇଁ ରାଷ୍ଟ୍ରପତି ରାମନାଥ କୋବିନ୍ଦଙ୍କ ପାଖକୁ ପଠାଇଥିବାର ସୂଚନା ମିଳିଛି ।
ଅପରପକ୍ଷରେ ରାଜ୍ୟପାଳ ପଦ ଛାଡ଼ି ସେ ରାଜନୀତିରେ ପ୍ରବେଶ କରିବେ ବୋଲି ଅନୁମାନ କରାଯାଉଛି । ଆସନ୍ତା ବର୍ଷ ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନରେ ସେ ଲଢିବାକୁ ମନସ୍ଥ କରିଥିବାର ସୂଚନା ମିଳିଛି । ଅନ୍ୟପଟେ ଉତ୍ତରାଖଣ୍ଡ ରାଜ୍ୟପାଳ ଭାବେ ବେବି ରାଣି ୩ ବର୍ଷ କାର୍ଯ୍ୟକରିଛନ୍ତି । ଏହା ପୂର୍ବରୁ ଆଗ୍ରାର ମେୟର ଭାବରେ ମଧ୍ୟ ସେ ଦାୟିତ୍ୱ ଗ୍ରହଣ କରିଥିବାର ସୂଚନା ମିଳିଛି ।