ଟ୍ରଲରକୁ ପଛରୁ ପିଟିଲା ଭ୍ୟାନ୍, ଜଣେ ମୃତ, ୫ ଗୁରୁତର
ଦଶପଲ୍ଲା (ବଡ଼ ଖବରବ ବ୍ୟୁରୋ): ଟ୍ରଲରକୁ ପଛରୁ ପିଟିଲା ଭ୍ୟାନ୍, ଜଣେ ମୃତ, ୫ ଗୁରୁତର । ଟାକେରା ନିକଟରେ ଛିଡ଼ା ହୋଇଥିବା ଟ୍ରଲରକୁ ପଛରୁ ପିଟିଲା ଭ୍ୟାନ୍ । ଦାରିଙ୍ଗବାଡ଼ିରୁ ପିକନିକ୍ ସାରି ଆଠଗଡ଼ ଫେରିବା ବେଳେ ଘଟିଛି ଦୁର୍ଘଟଣା । ୫ ଗୁରୁତରଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତର । ମୃତକ ଜଣକ ଆଠଗଡ ଥାନା ରାଉତପଡାର ତ୍ରିଲୋଚନ ନାୟକ। ଖୋର୍ଦ୍ଧା ବଲାଙ୍ଗୀର ଜାତୀୟରାଜପଥର ଦଶପଲ୍ଲା ଥାନା ଝିଣ୍ଟିକାବାରୀ ନିକଟରେ ଆଜି ଭୋରରେ ହୋଇଛି ଦୁର୍ଘଟଣା ।
ଆଠଗଡ ଥାନା ଅଞ୍ଚଳର ୧୫ରୁ ଅଧିକ ଲୋକ ବଲାଙ୍ଗୀର ସମଲେଶ୍ୱରୀ,ଘଣ୍ଟେଶ୍ୱର ଅଞ୍ଚଳକୁ ୧୯ତାରିଖରେ ବୁଲିବାକୁ ଯାଇ ଫେରୁଥିଲେ । ଭୋର ସମୟରେ ଦ୍ରୁତ ଗତିରେ ଆସୁଥିବା ଟ୍ରାଭେଲରଟି ଆଗରେ ଛିଡାହୋଇଥିବା ଏକ ଟ୍ରଲରକୁ ପଛପଟୁ ପିଟିଥିଲା । ଫଳରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଛି। ଖବରପାଇ ଦଶପଲ୍ଲା ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ମୃତାହତଙ୍କୁ ମେଡିକାଲକୁ ଆଣିଥିଲେ । ଦଶପଲ୍ଲା ଥାନା ପୋଲିସ ଓ ଵାଣିଗୋଚ୍ଛା ଥାନା ପୋଲିସ ପଂହଁଚି ତଦନ୍ତ ଚଳାଇଛି