ବିହାରରେ ଥମୁନି ହିଂସା , ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି
ବିହାର (ବଡ଼ ଖବର ବ୍ୟୁରୋ): ବିହାରରେ ଥମୁନି ହିଂସା । ହିଂସାର ନିଆଁରେ ଜଳୁଛି ବିହାର । ଆଉ ଏହି ହିଂସାକୁ ନେଇ ଆରମ୍ଭ ହୋଇଛି ରାଜନୀତି । କେନ୍ଦ୍ରମନ୍ତ୍ରୀ ଗିରିରାଜ ସିଂ ସିଧା ସଳଖ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି । ସେ କହିଛନ୍ତି କି ଯଦି ବିହାରରେ ଚାଲିଥିବା ହିଂସା ବିରୋଧରେ ମୁଖ୍ୟମନ୍ତ୍ରୀଙ୍କ ନିକଟରେ ସୂଚନା ନାହିଁ ତେବେ ସେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇ ଦିଅନ୍ତୁ । ଏହାସହ ବିହାର ଏବେ ସମ୍ପୂର୍ଣ୍ଣ ଭାବେ ପଶ୍ଚିମବଙ୍ଗର ମମତା ସରକାରଙ୍କ ରାସ୍ତାରେ ଚାଲିଛି ।
ପଶ୍ଚିମବଙ୍ଗରେ ଯେଭଳି ହିନ୍ଦୁମାନଙ୍କ ଉପରେ ଆକ୍ରମଣ କରାଯାଉଛି ବିହାରରେ ମଧ୍ୟ ସମାନ ପରିସ୍ଥିତି ଉପୁଜାଇଛି ନୀତିଶଙ୍କ ସରକାର । ସେପଟେ ରାଜ୍ୟର ସ୍ଥିତିକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା ବିହାର ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଅର୍ଲେକରଙ୍କ ସହ କଥା ହୋଇଛନ୍ତି । ଅନ୍ୟପଟେ ଅମିତ୍ ଶାହାଙ୍କୁ ଟାର୍ଗେଟ କରିଛି ନିତୀଶ କୁମାରଙ୍କ ସହ ମେଣ୍ଟ କରିଥିବା ଆରଜେଡି ।