ବସ୍ତା (ବଡ଼ ଖବର ବ୍ୟୁରୋ): ଖରାଦିନ ଆରମ୍ଭରୁ ପାନୀୟ ଜଳ ସଙ୍କଟ । ବାଲେଶ୍ଵର ଜିଲ୍ଲା ବସ୍ତା ବ୍ଲକର ସଦର ପଞ୍ଚାୟତ ସଦାନନ୍ଦପୁର ପଞ୍ଚାୟତର ବାଉଁଶମୁଖା ହରିଜନ ସାହିରେ ବସବାସ କରନ୍ତି ୬୦ ପରିବାରର ୪ ଶହରୁ ଅଧିକ ଲୋକ । ଏମାନଙ୍କ ପାଇଁ ଗ୍ରାମରେ ରହିଛି ଗୋଟିଏ ନଳକୂଅ । ଗୋଟିଏ ସୈର ଚାଳିତ ନଳକୂଅ ଓ ଗୋଟିଏ ଢାଙ୍କୁଣି ନଥିବା ପରିତ୍ୟକ୍ତ କୂଅ । କିନ୍ତୁ ଖରା ଦିନ ଆରମ୍ଭରୁ ଅଚଳ ହୋଇପଡିଛି ନଳକୂଅ । ବିଭିନ୍ନ କାରଣରୁ ବର୍ଷର ୮ ମାସ ବନ୍ଦ ରହେ ସୈର ଚାଳିତ ନଳକୂଅ ।
ଯାହା ଫଳରେ ଲୋକେ ଖୋଲାମୁହଁ ଥିବା କୂଅ ଉପରେ ନିର୍ଭର କରନ୍ତି । ଯାହା ଫଳରେ ସକାଳୁ ସନ୍ଧ୍ୟା ପର୍ଯ୍ୟନ୍ତ ଭିଡ ଲାଗି ରହିଥାଏ । ୨ କୋଟି ଟଙ୍କା ବିନିମୟରେ ଗୋଟିଏ ଓଭରହେଡ ପାଣିଟାଙ୍କି ନିର୍ମାଣ କରାଯାଇଥିଲେ ମଧ୍ୟ ଠିକାଦାରଙ୍କ ଅବହେଳା ଓ ମନମୁଖୀ କାର୍ଯ୍ୟ ଯୋଗୁଁ ଦୁଇ ବର୍ଷ ହେବ ଅଧାପନ୍ତରିଆ ହୋଇ ପଡି ରହିଛି । ସପ୍ତାହେ ଭିତରେ ଯଦି ପାଣି ସମସ୍ୟା ଦୁର କରାନଯାଏ ତାହାହେଲେ ଆନେ୍ଦାଳନ ଜୋରଦାର ହେବ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି ।
