ପିଜା ଓ ବର୍ଗର ଖାଇବା ଠିକ ନୁହେଁ: ଉପ ରାଷ୍ଟ୍ରପତି

(ବଡ଼ ଖବର ବ୍ୟୁରୋ):  ଭାରତର ଉପ ରାଷ୍ଟ୍ରପତି ଭେଙ୍କୟା ନାଇଡୁ ବର୍ଗର ଓ ପିଜା ଉପରେ ନିଜର ଏକ ମତ ରଖିଛନ୍ତି । ବର୍ଗର ଓ ପିଜା ଖାଇବା ଅନ୍ୟ ଦେଶ ପାଇଁ ଠିକ କିନ୍ତୁ ଭାରତ ପାଇଁ ଏହା ଉପଯୁକ୍ତ ନୁହେଁ । ତେବେ ଉତ୍ତର ଗୋଆରେ ଗୋଟିଏ କଲେଜର ନୂଆ କ୍ୟାମ୍ପସ ଉଦଘାଟନ କାର୍ଯ୍ୟକ୍ରମରେ ଯୋଗ ଦେଇ ଉପ ରାଷ୍ଟ୍ରପତି ଏଭଳି କିଛି ଟିପ୍ପଣୀ ଦେଇଛନ୍ତି ।

ସେ କହିଛନ୍ତି, ମୁଁ କୌଣସି ନିର୍ଦ୍ଦିଷ୍ଟ ପ୍ରକାରର ଖାଦ୍ୟ ଖାଇବାକୁ ପରାମର୍ଶ ଦେଉନାହିଁ । ମୁଁ କେବଳ ରନ୍ଧା ଖାଦ୍ୟ ଖାଇବାକୁ ପରାମର୍ଶ ଦେଉଛି । କେହି ବି ଗଚ୍ଛିତ ହୋଇଥିବା ଖାଦ୍ୟ ଖାଇବା ଉଚିତ ନୁହେଁ । ଆମେ ଅର୍ଗାନିକ ଖାଦ୍ୟ ଗ୍ରହଣ କରିବା ଦରକାର । ବର୍ଗର ପିଜା ଭଳି ଖାଦ୍ୟ ଅନ୍ୟ ଦେଶ ପାଇଁ ଉପଯୁକ୍ତ ହୋଇପାରେ ହେଲେ ଆମ ଦେଶ ପାଇଁ ଏହା ଠିକ ନୁହେଁ । ବର୍ତ୍ତମାନ ଜଳବାୟୁ ପରିବର୍ତ୍ତନରୁ ଆମକୁ ଆମ ପ୍ରକୃତିକୁ ସଂରକ୍ଷିତ ରଖିବା ଜରୁରୀ ବୋଲି ଉପ ରାଷ୍ଟ୍ରପତି କହିଛନ୍ତି ।