ବିଂଝାରପୁର (ବଡ଼ ଖବର ବ୍ୟୁରୋ): ବିଂଝାରପୁର ରେ ସମ୍ପୂର୍ଣ ଫେଲ ମାରିଛି ବସୁଧା ଯୋଜନା, ଟାଙ୍କି ନିର୍ମାଣର ମାତ୍ର ଦୁଇ ବର୍ଷ ପରେ ଟାଙ୍କି ଫାଟି ପାଣି ଝରୁଛି । ଠିକାସଂସ୍ଥା ଓ ସ୍ଥାନୀୟ ବିଭାଗର ଅବହେଳା ଯୋଗୁ ଏଭଳି ସ୍ଥିତି ଉପୁଜିଛି ବୋଲି ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ବିଂଝାରପୁର ବ୍ଲକ ଅନ୍ତର୍ଗତ ରଣପୁର ପଞ୍ଚାୟତରେ । ଏ ଅଂଚଳଟି ସମ୍ପୂର୍ଣ ଭାବେ ତଳିଆ ଅଂଚଳ ହୋଇଥିବାରୁ ଏଠାରେ ବର୍ଷ ସାରା ପାଣି ସଙ୍କଟ ଦେଖାଯାଇଥାଏ ତେଣୁ ଅଂଚଳବାସୀଙ୍କ ପାଇଁ ଏକମାତ୍ର ଭରସା ପାଲଟିଥିବା ବସୁଧା ଜଳ ପ୍ରକଳ୍ପ ଆଜି ନିରାଶ କରିଛି ।
ଦୀର୍ଘ ୮ ଦିନ ହେବ ପାଣି ଟୋପିଏ ପାଇପାରୁନାହାନ୍ତି ସ୍ଥାନୀୟ ଅଂଚଳର ଲୋକେ । କିନ୍ତୁ ଟାଙ୍କିର କାର୍ୟ୍ୟରତ ଠିକା ସଂସ୍ଥାର ଦେଖା ନାହିଁ ଏହାକୁ ନେଇ ସ୍ଥାନୀୟ ଅଂଚଳରେ ଅସନ୍ତୋଷ ଦେଖିବାକୁ ମିଳିଛି । ସେମାନଙ୍କ ଦାବି ଅନୁଯାୟୀ ଯଦି ଯଥା ଶୀଘ୍ର ଏହା ମରାମତି କରାଯାଇ ଆମକୁ ପାଣି ଯୋଗାଇ ଦିଆନଯାଏ ତେବେ ଆମେ ରାଜରାସ୍ତା କୁ ଓଲ୍ହାଇବୁ ଚେତାବନି ଦେଇଛନ୍ତି ଅଂଚଳବାସୀ ।
